Charter Document - 02730376

Omnibus Christi fidelibus ad quos presens scriptum peruenerit Hugo dei gratia Linc[] episcopus salutem in domino Nouerit vniuersitas uestra quod cum inter dilectum filium Robertum archidiaconum Huntingdonie canonicum prebende de Bramton[] ex una parte et Walterum filium Roberti militem ex altera super quadam capella quam idem miles sibi uoluit construere in loco qui dicitur Herthey quem quidem locum idem archidiaconus ad suam prebendam de Bramton[] iure parochiali asseruit pertinere questio uerteretur tandem utraque pars inde mera et spontanea uoluntate appellacione et contradiccione cessantibus se nostre submiserit ordinacioni Nos autem super premissis de assensu et uoluntate Rogeri decani et capituli nostri Linc[] ordinauimus in hunc modum videlicet quod liceat prefato militi libere suis sumptibus sibi capellam construere in predicto loco qui dicitur Herthey matrici ecclesie de Bramton[] cum omnibus ad predictum locum de Herthey pertinentibus pleno iure parochiali subiectam et quod idem W et heredes sui habeant inperpetuum cantariam suam in eadem per capellanum ibidem residentem quamdiu uoluerint et ministrantem Licebit autem eidem militi et heredibus suis ad hoc sibi eligere capellanum idoneum successiue quem uoluerint Quo electo et dicto archidiacono uel successoribus suis qui pro tempore fuerint canonici apud Bramton[] per eundem militem uel heredes suos presentato idem archidiaconus et successores sui ipsum sine contradiccione et difficultate admittent ad diuinum officium in sepe dicta capella ut dictum est exequendum Concessit autem idem archidiaconus ad onera eiusdem militis et heredum suorum quoad exhibitionem capellani in dicta capella ministrantis ab eis faciendam leuius sustentanda omnes minutas decimas et oblaciones prouenientes tam de domo dicti militis quam de tenentibus ipsius si processu temporis aliqui fuerint apud Herthey Saluis omnibus decimis garbarum integre et sine diminutione matrici ecclesie de Bramton[] de predicto loco de Herthey prouenientibus Saluo etiam dicte ecclesie primo et principali legato cum honore sepulture Sustinebunt etiam dictus W et heredes sui omnia alia onera eiusdem capelle tam in libris uestimentis quam in omnibus aliis generaliter ad diuinum officium in sepe dicta capella exequendum pertinentibus et quoad ipsam capellam sustentandam et reficiendam Dicti uero tenentes matricem ecclesiam de Bramton[] bis in anno uisitabunt scilicet die Pasche et die beate Marie Magdalene et omnia ecclesiastica sacramenta percipient de eadem Similiter et dictus miles et maiores de familia sua eandem ecclesiam bis in anno uisitabunt scilicet die Pentecosten et die beate Marie Magdalene Iurabunt etiam idem W et heredes sui qui pro tempore fuerint quod memoratam matricem ecclesiam de Bramton[] secundum formam premissam quoad predictam capellam conseruabunt indemnem et quod in eadem capella nullum parochianum eiusdem ecclesie aliter quam ut predictum est uel etiam alterius procurabunt uel quantum in ipsis erit scienter sustinebunt in preiudicium matricis ecclesie de Bramtona uel uicinarum ecclesiarum admitti et hoc idem iurabit presbiter qui pro tempore celebrabit ibidem Saluis in omnibus episcopalibus consuetudinibus et Linc[] ecclesie dignitate Vt autem hec nostra ordinatio perpetuam optineat firmitatem presenti scripto sigillum nostrum una cum sigillo predicti capituli nostri Linc[] simul cum sigillis partium duximus apponendum Hiis testibus Rogero decano Galfrido precentore Ricardo cancellario Reimundo Leircestrie Matheo Bukinghamie et Hugone Stowe archidiaconis Johanne subdecano magistris Willelmo filio Fulconis Gilberto de Scardeburgo Ricardo de Lindwud[] Roberto de Grauel[] Waltero Blundo Rogero de Bristoll[] et Roberto de Wassingburn[] et magistro Stephano de Cicestria Petro de Hungaria et magistro Willelmo de Linc[] Willelmo de Aualon[] Petro de Bathonia et Petro de Cheueremunt canonicis Linc[] Datum [per] manum Thome de Fiskerton[] capellani canonici Linc[] in capitulo Linc[] apud Linc[] octauo kalendas Ianuarii pontificatus nostri anno tercio decimo