Charter Document - 02730372

In nomine Patris et Filii et Spiritus Sancti Amen Ego Hugo dei gracia Lincoln[] ecclesie [qualiscunque] minister condo testamentum meum in hunc modum Lego et concedo domino Bathoniensi episcopo fratri meo et cui assignauerit [custodiam meam de] Tunring cum omnibus pertinenciis [suis] habend et tenend libere et quiete do[nec heres ad legitimam] peruenerit etatem conuertendo per manus ipsius domini episcopi uel assignatorum suorum quicquid inde ceperint in usus et emendationem hos[pitalis Wellensis] vna cum ducentis marcis quas eidem domino episcopo pridem pacaui ad opus hospital[is supradicti Do in]super eidem domino episcopo et cui assignauerit custodiam terre et heredum de Crombwell[] que est de feodo meo et maritag[ia eorundem heredum ibi] non disparagentur volens et ordinans quod predictus dominus episcopus uel assignati sui de exiti[bus eiusdem m]anerii faciat usque ad etatem heredum ad opus hospitalis Wellensis et sustentationem ipsius pro salute anime mee [et pro animabus patris et matris] mee et omnium antecessorum et heredum meorum et pro anima Iordani de Turri sicut ordinaui de custodia mea de Tunring faciendum Preterea do eidem hospitali et fratribus ibidem deo seruientibus et seruituris imperpetuum [totam terram meam de] Derneford[] quam dedi cum Agatha nepte mea in maritagium nisi de corpore suo heredem habuerit cui terra debeat remanere Item concedo et assigno Radulpho de Warauill[] et Ricardo de Oxonia canonicis Lincoln [tanquam attornatis Galfridi] filii Baldwini et Petri de Bathonia qui in principio firme sue ita michi concesserunt totam terram de Orresby cum omnibus pertinentiis suis quam Ingerardus de Bouinton[] Johanna uxor sua dimiserunt predictis Galfrido et Pe[tro vsque ad terminum in] cirographo contentum facto in curia domini regis ut ipsi Radulphus et Ricardus uel unus eorum si uterque uacare non poterit uel cui uel quibus assignauerint teneant eam in manu sua per totum terminum et omnes fructus et exitus ex ea pro[uenientes] distribuant singulis annis pauperibus domibus religiosis episcopatus mei et aliis pauperibus pro anima mea Item leg[o prior]i de Kaldwell[] i marcam priori de Noketon i [marcam] priori de Kima i marcam abbati de Brunna ii [marcas] priori de Ellesham[] ii marcas abbati de Humberstain i marcam priori de Markeby i marcam priori de Tornholm[] ii marcas abbati de Tuppeholm[] i marcam abbati de m[e]ssenden xl solidos abbati de Barling xx solidos priori de Torkesey i marcam abbati de Osulueston[] xx solidos priori de Landa i marcam abbati de n[utel][] xl solidos priori de [bradewell[]] i marcam priori de Dunstapll xl solidos priori Sancti Neoti xl solidos et priori [hu]ntedon[] xl solidos Item lego Iohanni de camera x marcas Petro de Cotinton[] x marcas magistro Hugoni coco x marcas Rogero mareschallo [x] marcas Willelmo seruienti de Bugeden c solidos Willelmo Lu[po] x marcas Willelmo seru[ienti Ley]cestrie c [solidos] Willelmo de Tunring ii marcas Willelmo de Wodeford[] ii marcas Iohanni seruienti de Esfordeby iii marcas Reginaldo de Treilly v marcas Elye Kotele v marcas Ricardo de Ispania ii marcas et dimidiam Rogero filio Willelmi x marcas Thome marescallo v marcas Henrico Cauchais de Tingehurst v marcas Gilberto de camera ii marcas Waltero ostiario i marcam Iohanni de capella xx solidos Bufeto nuncio iiii marcas Hankino de pistrino [i] marcam Iohanni de curru xx solidos Pagano i marcam Galfredo Rom[] i marcam Thome carecario i marcam Reginaldo carecario i marcam Roberto clerico custodi domorum Linc[] xl solidos Odino de Bugeden xl solidos Roberto de Well[] c[oco] de[cani] Lincoln[] xx solidos filio magistri Waleis ii marcas Volo insuper quod per executores meos detur de bonis meis seruientibus nunciis et garcionibus meis et aliis quibus non lego uel quibus minus lego prout viderint [expedire] Item lego canonico prebende Leicestrie ad edificia sibi construenda in prebenda sua [] xl marcas nisi interim fecero grantum suum Item lego pauperibus parentibus meis apud Well et circa Pilton[] lx marcas ubi dominus frater meus [et] alii executores mei uiderint expedire Item lego fabrice ecclesie mee Lincoln[] c marcas et totum mairemium quod habuero in decessu meo et per totum episcopatum meum ita quod reseruetur usque in tempus successoris mei et detur ei pro l marcis si uoluerit pacandis eidem fabrice antequam illud recipiat Item lego successori meo xxvi carrucatas boum et domino Cantuariensi et singulis episcopis prouincie sue in Anglia [vnum anulum Item lego] ad exequias meas faciendas et ad emendum ea que necessaria fuerint altari quod est iuxta sepulturam meam c marcas et [ad in]ueniendas necessarias expensas executoribus meis qui prosequentur executionem testamenti mei [lx marcas] ut quod inde residuum fuerit cedat testamento meo Predicto uero altari meo lego totam capellam meam excepto paruo missali quod vendatur et distribuatur pauperibus pro anima Rogeri de Bristollia quondam canonici Lincoln[] Ordino insuper quod centum duodecim libre quas recepi a Willelmo decano Lincoln[] depositas in custodia sua et mutuo datas Nicholao abbati et conuentui Einesham super cartas suas quas penes me [habeo] reddantur ipsi decano uel cui assignauerit ad faciendum inde quod uiderit faciendum de quibus iam acquietaui me versus eundem decanum de l marcis quas recepi ab eisdem abbate et conuentu et de v [solidos et] viii denarios quos scilicet v solidos et viii denarios recepi a predicto decano ultra summam antedictam et sciendum quod dicti abbas et conuentus soluerunt michi postmodum l marcas de predicto prestito eis facto quas adhuc debeo et ipsi debent totum residuum de predictis cxii libris Volo autem quod tam debita quam legata mea perficiantur de bonis meis In primis videlicet de blad[is et inst]auris m[ei]s et postmodum de pecunia si quam in morte mea habuero Si[militer as]signo ad hoc faciendum omnia bona mea mobilia et omnes fructus tam de bladis in terra mea seminatis ante mortem meam quam fructus virgultorum et vinearum eodem anno scilicet usque ad festum sancti Michaelis proxim[e post obitum] meum prouenientes et omnia alia que me quocunque modo contingunt tam de prouentibus reddituum quam de vasis equis et iocalibus meis Totum uero quod residuum fuerit de bonis meis detur pauperibus domibus religiosis episcopatus m[ei et leprosis] pauperibus et magistris et scolaribus Oxon[] ac conuersis de Iudaismo in episcopatu meo et pauperibus hominibus maneriorum meorum et precipue illis hominibus quorum blada habui que seminauerunt in dominicis meis per dominum regem [post]quam f[ui confirmatus] nec ea michi postmodum remiserunt et que dominus rex de iure non potuit illis warantizare et etiam aliis hominibus meis si quos grauaui et alibi vbi executores mei cognouerint me teneri et uiderint ex[ped]ire Preterea assigno [et concedo abbati] et conuentui de Parco Lude maneria de Suthelkinton[] et de Kaltorp[] cum omnibus pertinentiis libertatibus et consuetudinibus suis habend et tenend integre quiete et pacifice usque ad terminum inter me et Roesiam de Kime et Philippum [filium suum con]stitutum a die videlicet beati Luce euangeliste anno domini mccxxvii usque ad x annos proximo sequentes completos et in eadem forma qua ipsa maneria cum pertinentiis suis michi concessa sunt et carta sua confirmata saluis michi cata[llis meis que] fuerint in terris illis et pertinentiis et bladis que seminata fuerint in eisdem terris et pertinentiis in ultimo anno tenure mee ad executionem testamenti mei et saluo eo quod ego dicta maneria cum pertinentiis interim tenebo in manu mea quamdiu michi placuerit reddendo inde dictis abbati et conuentui x marcas annuas in duobus anni terminis scilicet in festo sancti Michaelis v marcas et in festo Penthecostes v marcas Insuper assigno et concedo eisdem abbati et conuentui v marcas annuas de custodia terre et heredis Radulfi de Wyhun quam Gilberto de Treilli senescallo meo et Radulfo de Warauill concessi et tradidi habend et tenend cum pertinentiis suis usque ad legittimam ipsius heredis etatem reddendo inde dictis abbati et conuentui v marcas annuas terminis supradictis Ordino etiam et concedo quod computatis predictis v marcis annuis quamdiu eas receperint [et comput]atis omnibus que de predictis maneriis ad eosdem abbatem et conuentum quocunque modo peruenerint satisfiat eis per executores testamenti mei usque ad summam cc marcarum [ita quidem] quod quicquid ultra dictarum cc marcarum summam ad ipsos [occasione dictorum] maneriorum et custodie de Wyhun uel aliunde quocunque modo peruenerit executoribus nostris [fideliter] restituant ad executionem testamenti mei faciendam Item lego Waltero seruienti meo de Dorkecestre x marcas h[uius igitur testamenti] mei executores constituo predictum dominum Bathoniensem fratrem meum Robertum archidiaconum Linc[] Walterum thesaurarium [i] Norhamptonie et W Leicestrie archidiaconos Warinum et Robertum capellanos meos Gilbertum de Treilly Radulphum de [wa]rauill [tho]mam de Askeby Iohannem de Crakall[] et Iohannem de Burgo clericos meos [in] hunc modum assigno et const[ituo] dictos Gilbertum Radulphum Thomam Iohannem et Iohannem ad vendenda bona mea et colligendam inde pecuniam per consilium predicti domini fratris mei et aliorum executorum meorum et ad deponendam eam in tutis locis donec prouis[um fuerit] per cons[ilium] eorum [qui interesse] poterunt cum episcopo quid cui uel quibus et quando sit distribuendum iuxta presentis testamenti mei ordinationem Si uero dominus frater meus interim decessit quod dens auertat vel alius aut alii executorum meorum volo [et ordino quo]d super[stites eorum nichilomi]nus testamentum meum fideliter exequantur in fide qua deo et michi tenentur Supplico igitur flexis genibus venerabili patri et domino Cantuariensi archiepiscopo et ipsum [in vir]tu[te] Spiritus Sancti lacrimabiliter contestor quatinus ob remissionem [peccatorum suorum non sustineat testamentum] meum quantum in ipso est ab aliquo infirmari Set si qui apparuerint raptores distractores uel perturbatores quom[in]us executores mei testamentum [m]e[um] libere ualeant adimplere ipse cum super hoc requisitus f[uerit vniuer]sos [et singulos per ecclesiasticam] compescat districtionem Rogo insuper decanum et capitulum meum Lincoln et archidiaconos [meos vniuers]os et singulos [cum] omni qua possum deuotione et eos obtestor per aspersionem sanguinis Ihesu Christi quat[inus si qui in iurisdictione sua et potestate ap]paruerint impeditores uel perturbatores testamenti mei vt predixi ipsos ecclesiastica s[eueritate desistere com]pellan[t In predictorum autem omnium] robur et testimonium presenti testamento meo sigillum meum [vna cum sigillis predictorum domini fratris mei] decani et capituli et aliorum executorum meorum feci apponi Actum [apud Parcum Stowe kalendis Ju]nii anno domini mccxxxiii pontificatus scilicet mei anno vicesimo [quarto] Preterea [lego domino meo regi] pul[criorem] palefridum [et cuppam] pulcriorem quam [habuero in decessu meo Item lego Ricardo Cotele] milit[i predicti domini fratris m]ei xl marcas ad filias ipsius Ricardi [maritandas]