Charter Document - 02730363

Omnibus Christi fidelibus ad quos presens scriptum peruenerit Hugo dei gratia Lincoln[] episcopus salutem in domino Cum sine diei certi seu temporis prefinitione soluturi simus nature debitum cupientes ut expedit nobis itinerantibus prouidere uiaticum in presenti et in futuro remedium interueniente dilectorum filiorum Willelmi decani et capituli nostri Lincoln[] assensu dedimus et assignauimus perpetuo ad trium capellanorum vnius diaconi et unius subdiaconi vicariorum de choro Lincoln[] per decanum et capitulum successiue sicut expedire uiderint assumendorum perpetue sustentationis augmentum et ad alios pios usus subscriptos triginta quatuor marcas et dimidiam scilicet duas marcas et dimidiam de ecclesia de Rysum cum primo uacauerit que est de patronatu abbatis et conuentus de Exaquio non obstante ordinatione nostra de dictis duabus marcis et dimidia alias facta Item viginti marcas de ecclesia de Paxton et duodecim marcas de ecclesia de Karleton[] que quidem ecclesie de aduocatione nostra sunt annuatim apud Lincoln[] per manus rectorum ipsarum pro tempore qui per nos et successores nostros patronos earumdem instituendi ipsarum ecclesiarum cum pertinentiis omnia onera ordinaria debita et consueta sustinebunt soluendas periculo et sumptibus eorundem rectorum in duobus anni terminis videlicet in festo sancti Martini de ecclesia de Rysum sexdecim solidos et octo denarios de ecclesia de Paxton[] decem marcas et de ecclesia de Karleton[] sex marcas et tantumdem in festo Penthecosten ille de predictis capellanis qui perpetuus erit ad id per nos et successores nostros uel sede uacante per dictos decanum et capitulum Lincoln[] preficiendo De qua quidem pecunia idem capellanus quatuor denarios singulis diebus ad opus suum retinebit et soluet dictis duobus capellanis qui quasi ebdomadarii erunt per circuitum vtrique denarios tres diacono autem et subdiacono similiter quasi ebdomadariis utrique duos denarios et singulis sabbatis fiet solutio supradicta Saluis nichilominus omnibus ipsis stipendiis suis et aliis que eos racione vicariarum suarum contingunt Et hii omnes vespertinum ac matutinum officium mortuorum cum commendatione tanquam pro corpore presenti pro nobis in loco deputato ad hoc in profestis diebus ante vesperas In festis etiam post uel ante cum commodius poterunt et melius sine dampno uel nocumento seruicii ecclesie simul inperpetuum decantabunt Predictus uero sacerdos principalis missam pro nobis specialiter et pro cunctis fidelibus defunctis singulis diebus priusquam canonici ingrediantur chorum ad primam cum diacono et subdiacono indutis albis et sericis celebrabit et cum sollempnitate tanquam pro corpore presenti secundus pro animabus regum et aliorum patronorum ecclesie nostre predecessorum nostrorum patrum et matrum parentum amicorum et benefactorum nostrorum et eiusdem ecclesie nostre et omnium fidelium defunctorum cum oracione speciali pro nobis et cum cantu si uoluerit Tertius etiam pro canonicis fratribus et sororibus ecclesie nostre Lincoln[] et pro cunctis fidelibus defunctis Et hii duo singulis diebus celebrabunt ante primam uel post cum commodius poterunt et vni seruiet diaconus et alii subdiaconus prenotati Et si forte aliquis eorum infirmitate uel alia de causa prepeditus officium istud ut dictum est temporibus suis exequi non ualeat alius de choro ydoneus ad ipsius instantiam illud interim exequetur Alioquin de solutione predicta pro tempore quo defuerit nequaquam sibi respondeatur Ad quod quidem cum predictis assignauimus annuas octo libras cere de bouata terre in Ouresby que fuit Willelmi de Copland[] per manum Stephani de Grafham et heredum uel assignatorum suorum in festo beati Laurentii martyris singulis annis Lincoln[] reddendis prout in carta ipsius Stephani quam de nobis habet continetur Prefatus etiam sacerdos principalis habebit custodiam altaris illius ubi premissa fient librorum etiam et vasorum vestimentorum quoque atque aliorum que ad officium illud pertinent et ad id luminaria duos videlicet cereos trium librarum ad vespertinum ac matutinum officium et dum misse celebrantur et candelas cum neccesse fuerit incensum etiam et alia ad predictum officium pertinentia sufficienter inueniet et honorifice Si autem ad aliquam missam de predictis oblatio peruenerit tota simul cum eo quod de predictis triginta quatuor marcis et dimidia supererit post predictorum onerum deductionem cedet in usus sepedicti principalis sacerdotis saluo uno denario ei qui missam celebrauerit Illi quoque qui pro tempore dictarum ecclesiarum rectores futuri fuerint instituentur in hac forma scilicet quod predictam pecuniam annuatim terminis statutis sicut predictum est integre soluent et fideliter et hoc etiam coram dictis decano et capitulo iurabunt corporaliter cum per eos inde fuerint requisiti Et si forte quod absit peccuniam sepedictam predicto modo non soluerint ad ipsam persoluendam cum satisfactione canonica de termino quolibet non obseruato et de expensis ob id factis et dampnis que propter hoc euenerint per nos et successores nostros prout iustum fuerit compellentur Nos autem et predicti decanus et capitulum communi assensu sollempniter excommunicauimus omnes illos quicunque contra hanc nostram ordinacionem aliquo tempore maliciose uenire presumpserint nisi commoniti resipuerint et de contemptu satisfecerint competenter Saluis in omnibus episcopalibus consuetudinibus et Lincoln[] ecclesie dignitate Quod ut perpetuam optineat firmitatem presenti scripto sigillum nostrum una cum sigillo predicti capituli nostri Lincoln[] duximus apponendum Hiis testibus Willelmo decano Roberto archidiacono Willelmo cancellario et Waltero thesaurario Linc[] Johanne Norhamptonie Gilberto Huntingdonie et Amaurico Bedefordie archidiaconis [Willelmo] subdecano magistris Roberto de Grauel[] Stephano de Cycestria Theobaldo et Ricardo de Cantia Galfrido Scoto et Roberto de Bolesouer[] capellanis [magistris] Roberto de Brincl[] et Waltero de Well[] Radulfo de Warrauill[] Petro de Hungaria et Willelmo de Winchecumb[] diaconis Ricardo de Oxon[] et Thoma de Aske[by subdiaconis] canonicis Lincoln Dat[] per manum Guarini de Kirketon[] capellani canonici Lincoln[] apud Parkum Stowe xvij kalendas Septem[bris ponti]ficatus nostri anno vicesimo quinto