Charter Document - 02720002
| Charter Number: | 02720002 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1245 |
| Date type: | Internal, Calendar, Papal |
| Resource Link(s): |
|
Charter:
Innocencius episcopus seruus seruorum dei dilectis filiis custodi et fratribus hospitalis sancii Iohannis de Oxonia Lincolniensis diocesis salutem et apostolicam benedictionem Pia regum et principum desideria deuotorum gratanter amplectimur et quanto iocundius in cunctis deo placitis operibus delectemur tanto libentius ad perfectionem eorum fauorem et graciam impartimur Cum igitur carissimus in Cristo filius noster rex Anglorum illustris feruore diuine pietatis accensus hospitale uestrum ad subleuationem pauperum scolarium et aliarum miserabilium personarum de bonis regiis construi fecerit et dotauit Nos eiusdem regis supplicationibus inclinati personas uestras et hospitale ipsum in quo dei et pauperum predictorum estis obsequio mancipati cum omnibus bonis que in presentiarum racionabiliter possidet aut in futurum iustis modis prestante domino poterit adipisci sub beati Petri et nostra protectione suscipimus et presentis scripti patrocinio communimus auctoritate uobis presentium concedentes ut pro nobis et familiaribus uestris ac pauperibus in hospitali degentibus memorato capellas et cimiterium liceat uobis habere ac oblationes et obuentiones quas Cristi fideles eidem contulerint hospitali uel reliquerint testamento in eius usus conuertere ac pauperum predictorum et cum interdictum terre fuerit generale clausis ianuis excommunicatis et interdictis exclusis non pulsatis campanis uoce suppressa in predictis capellis officia celebrare diuina dummodo causam non dederitis interdicto districtius inhibendo ne diocesanus uel archidiaconus loci racione uisitacionis procurationes a uobis exigere aut extorquere presumat quodque nullus delegatus subdelegatus executor uel eciam conseruator auctoritate sedis apostolice uel delegatorum ipsius in personas uestras seu familiarium uestrorum excommunicationis siue interdicti sentenciam audeat promulgare absque mandato sedis apostolice speciali Nulli ergo omnino hominum liceat banc paginam nostre protectionis concessionis et inhibitionis infringere uel ei ausu lemerario contraire Si quis autem hoc attemptare presumpserit indignationem omnipoteniis dei ac beatorum Petri et Pauli apostolorum eius se nouerit incursurum Dat Lugduni ii Non O[ctobris] pontificatus nostri anno tercio
Source (click image below to view full size)
