Charter Document - 02660993
| Charter Number: | 02660993 |
|---|---|
| Cartulary Title: | Early Yorkshire Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1180 - 1189 |
| Date type: | Assigned |
| Resource Link(s): |
Durham Cathedral Archive - Cartulary III (f76v) Durham Cathedral Archive - Cartularium Vetus (f58r) |
Charter:
Alanus Wastehose omnibus videntibus et audientibus has literas salutem Sciatis me concessisse et hac mea karta confirmasse Deo et ecclesie Sancte Marie de Hemmigeb[urch] et illis qui ecclesiam illam in perpetuum sunt habituri in puram et perpetuam elemosinam tres bovatas terre in Duffeld cum domibus et toftis et aliis que ad easdem bovatas pertinent scilicet duas quas Rogerus de Wandestree avus Willelmi Esweillechen et Mabilia filia ejusdem Rogeri mater predicti Willelmi et ipse Willelmus eidem ecclesie dederunt et concesserunt pro salute animarum suarum et antecessorum suorum et successorum et tertiam que fuit Rannulfi Furmie quam ego ipse postquam medietatem predicte ville adeptus sum prefate ecclesie dedi et concessi et karta mea confirmavi et eam super altare de Hemmigb[urch] manibus propriis videntibus parochianis obtuli Quare volo quod antedicta ecclesia et illi qui eam in perpetuum sunt habituri habeant et possideant in puram et perpetuam elemosinam illas tres bovatas terre cum omnibus que ad eas pertinent liberas et quietas ab omni consuetudine et opere et servitio tam forinseco quam alio sicut alique ecclesie vel ecclesiarum persone liberius et quietius aliquam elemosinam tenent Hiis testibus Waldingo et Rogero et Absalone capellanis Jordano de Hameld[on] Willelmo filio Reineri Jordano et Rogero filiis ejus Willelmo de Rednes Rogero Pulein forestario alio Rogero forestario Waltero clerico de Angotebi Roberto nepote magistri Ricardi de Cold[ingham] Rogero et Huttingo servientibus ejus et aliis multis