Charter Document - 02660985
| Charter Number: | 02660985 |
|---|---|
| Cartulary Title: | Early Yorkshire Charters |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1185 - 1195 |
| Date type: | Assigned |
| Resource Link(s): |
|
Charter:
Hugo Dei gratia Dunelmensis episcopus omnibus hominibus suis in Houedenesira et Welletonesoke Francis et Anglis salutem Sciatis nos reddidisse et concessisse et presenti carta confirmasse Ade filio Willelmi de Warrum et heredibus suis villam de Jukefluet tenendam de nobis et successoribus nostris in feudum et hereditatem cum molendino et omnibus rebus ad eam pertinentibus sicut pater suus eam liberius et honorabilius de nobis tenuit reddendo singulis annis iiii marcas de firma ad quatuor terminos in Houedenesira constitutos Quare volumus et precipimus ut predictus Adam et heredes sui terram prenominatam quam patri suo dedimus qui eam eidem filio suo concessit et heredem eum nobis presentavit libere et honorifice de nobis et successoribus nostris teneant in terris cultis et incultis in pratis et pascuis et molendino et aquis et in omnibus rebus ad eam juste pertinentibus per idem servitium quod predictum est et per easdem libertates quas pater suus habuit His testibus Burcardo et Johanne archidiaconis Simone camerario Willelmo fili[o] Tosti Gileberto Hansard Waltero de Wivertorp Radulfo Haget vicecomite Jurdano Hairun Henrico Papede Michaele filio Brieni Simone vitulo Durando filio Willelmi et Hereberto cognato suo et multis aliis