Charter Document - 02660942

Alexander episcopus servus servorum Dei dilectis filiis Germano priori ecclesie Sancti Cuthberti et fratribus salutem et apostolicam benedictionem Justis petentium desideriis dignum est nos facilem prebere consensum et vota que a rationis tramite non discordant effectu sunt prosequente complenda Ea propter dilecti in Domino filii vestris justis postulationibus grato concurrentes assensu ecclesiam de Alvertona cum omnibus pertinentiis suis canonice vobis concessam tantum ad refectorium predictorum fratrum sicut ex communi consilio vestro et venerabilis fratris nostri Hugonis Dunelmensis episcopi statutum est vobis et per vos ecclesie vestre auctoritate apostolica confirmamus et presentis scripti patrocinio communimus statuentes ut nulli omnino hominum liceat hanc paginam nostre confirmationis infringere vel ei aliquatenus contraire Si quis autem hoc attemptare presumpserit indignationem omnipotentis Dei et Beatorum Petri et Pauli apostolorum ejus se noverit incursurum Datum Turonum iiii kal Junii