Charter Document - 02660941

Alexander episcopus servus servorum Dei dilectis filiis priori et fratribus Dunelmensibus salutem et apostolicam benedictionem Non debent pia et justa filiorum ecclesie desideria effectu digno carere sed eorum vota tanto nos convenit benignius prosequi quanto universis justa petentibus ex commisso nobis officio assensum tenemur magis facilem impertiri Ea propter dilecti in Domino filii vestris justis postulationibus gratum impartientes assensum ecclesias de Norham de Hesilden de Sancto Johanne et de Alvertona cum capella de Werkeshale ad usum refectorii vestri sicut eas hactenus habuisse noscimini vobis et per vos monasterio vestro imperpetuum confirmamus et presentis scripti patrocinio communimus statuentes ut nulli omnino hominum liceat hanc paginam nostre confirmationis infringere vel ei aliquatenus contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Tusculan[i] v kal Junii