Charter Document - 02660940
| Charter Number: | 02660940 |
|---|---|
| Cartulary Title: | Early Yorkshire Charters |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1160 - 1181 |
| Date type: | Assigned |
| Resource Link(s): |
Durham Cathedral Archive - Cartulary I (f5v) |
Charter:
Alexander episcopus servus servorum Dei venerabili fratri Hugoni episcopo et dilectis filiis priori et monachis Dunelmensibus salutem et apostolicam benedictionem Ad hoc in apostolorum principis cathedra licet immeriti providente superna clementia residemus ut singulis ecclesiis et ecclesiasticis personis jura et dignitates suas pastorali sollicitudine conservemus illesas et ea que legitime possident ne indebitis molestiis valeant perturbari apostolici muniminis robore confirmemus Ea propter dilecti in Domino filii vestris justis postulationibus grato concurrentes assensu omnes ecclesias quas in Eboracensi provincia legitime possidetis ut eas sub ea immunitate synodalium et aliarum exactionum in qua a quadraginta annis retro noscimini pacifice tenuisse deinceps libere valeatis tenere vobis et ecclesie vestre auctoritate apostolica confirmamus et presentis scripti patrocinio communimus statuentes ut nulli omnino hominum liceat hanc paginam nostre confirmationis infringere vel aliquatenus ei contraire Si quis autem hoc attemptare presumpserit indignationem omnipotentis Dei et Beatorum Petri et Pauli apostolorum ejus se noverit incursurum Datum Tusculan[i] ultimo Augusti