Charter Document - 02660934
| Charter Number: | 02660934 |
|---|---|
| Cartulary Title: | Early Yorkshire Charters |
| Charter Language: | Latin |
| Charter Origin: | Religious |
| Charter Type(s): | Restoration |
| Date: | 1128 |
| Date type: | Assigned |
| Resource Link(s): |
Durham Cathedral Archive - Cartulary I (f71v) Durham Cathedral Archive - 2.1.Pont.1 Durham Cathedral Archive - Cartularium Vetus (f133r) |
Charter:
R[annulfus] Dunelmensis episcopus omnibus successoribus suis et parrochianis et hominibus et fidelibus Sancti Cuthberti salutem et benedictionem Sciatis me reddidisse domino meo Sancto Cuthberto et monachis ejus omnia que eis abstuleram postquam episcopatum accepi scilicet oblationem altaris et sepulturam cimiterii et terram ultra pontem Dunelmi et Standropam cum suis appendiciis et Blecestunam et in Wluestuna j carrucatam terre et Burtun cum solitis consuetudinibus et ecclesiam de Sigges[tun] Hec et omnia alia tam in ecclesiis quam in villis et in terris et in aquis et in silvis et in planis et in omnibus aliis rebus unde saisiti et investiti erant die qua episcopatum Dunelmensem accepi Sancto Cuthberto et monachis ejus super altare per unum anulum spontanea voluntate reddidi Concessi etiam priori et eis ut ad dispositionem omnium rerum suarum infra ecclesiam et extra in omnibus liberam habeant facultatem ea dignitate et libertate et honore et quietudine qua unquam melius et honorabilius hactenus habuerunt Testibus Osberto nepote episcopi et R[ogero] Coisn[eriis] et Petro de Hum[et] et Johanne de Amundavilla et Willelmo filio Ranulfi et Johanne et Willelmo camer[ariis] et Radulfo de Wincest[re] et Waltero de Musters et Unspac [de Burtona] et Radulfo de Must[ers]