Charter Document - 02660838
| Charter Number: | 02660838 |
|---|---|
| Cartulary Title: | Early Yorkshire Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1175 - 1186 |
| Date type: | Assigned |
| Resource Link(s): |
|
Charter:
Eboracensi archiepiscopo totique capitulo Sancti Petri et omnibus sancte ecclesie filiis Amfridus de Chanci salutem Sciatis me dedisse et concessisse et hac presenti carta confirmasse Deo et monachis Sancte Marie de Beghlandia xi acras terre in terrura de Scerpinbec juxta Haibrec et in Wartecroft xxxii acras et in Stainhou xiii acras et unam perticatam et in Rucroft juxta molendinum xi acras et juxta Flagdthewat v acras ab australi parte vie et duas acras prati juxta pratum de Buggetorp et communem pasturam averiis eorum qui colent predictam terram ubicumque averia hominum meorum pascunt Et super hoc dedi et concessi eis pasturam cccc ovibus ubicumque averia mea vel hominum meorum de eadem villa pascunt excepta defensione mea de la Bruce sicut fossato clauditur et per meas dominicas culturas sicut divisa vadit inter terram hominum meorum de Toroldebi et predictas culturas pascent predicte cccc oves Et habebunt hos exitus predictis ovibus quorum unusquisque habebit duas perticatas terre in latum videlicet a bercaria ipsorum usque ad Bildebrec et inde usque ad magnam viam que venit de Scardeburg item alium exitum habebunt a bercaria sua super Haibrec usque ad ductum ville et ita ultra ductum juxta gardinum meum per pratum meum item tertium exitum habebunt a bercaria sua inter terram cultam et ductum ville usque ad pasturam suam Hanc autem donationem feci Deo et predictis monachis in perpetuam elemosinam liberam solutam et quietam ab omni terreno servitio et exactione seculari ad faciendum inde quicquid voluerint pro salute anime mee et omnium antecessorum et heredum meorum Et ego affidavi quod ego et heredes mei manu tenebimus et warentizabimus hanc donationem predictis monachis contra omnes homines in perpetuum Insuper concessi eis quod nec ego nec heredes mei recipiemus averia aliquorum hominum ad custodiam infra terruram de Scerpinbec ad gravamen monachorum si monachi voluerint tantum dare quantum alii dare voluerint His testibus Roberto decano Eboracensi Alano et Stephano canonicis Roberto filio Petri Willelmo de Buthum Rogero de Bavent Willelmo de Corneburg Normanno Thoma Paulino presbiteris Amando Willelmo filio Ingelberti Willelmo le Norrais Reinaldo de Cattona Gaufrido de Ponte Hugone de Cattona