Charter Document - 02659700

Celestinus episcopus servus servorum Dei dilectis filiis abbati de Stanl decano de Warwic et magistro Absolon de Aldemanneston salutem et apostolicam benedictionem Pervenit ad nos ex insinuacione P clerici quod cum causa que inter ipsum et R clericum de Dencurt super ecclesia de Oxendon vertebatur a bone memorie Lucio et postmodum a felicis recordacionis Clemente predecessoribus nostris de Cumba abbati et tibi fili abbas et magistro R de Wlneia commissa fuisset per parcium citacionem legitimam propositis eciam peremptoriis nonnullis edictis cum prenominatus R de Aencurt se contumaciter absentaret nec vellet per se nec per responsalem aliquem in judicum presentia comparere pro manifesta illius contumacia iidem judices predictum P in possessionem illius ecclesie causa rei servande miserunt set cum post annum judices ipsi in manus suas eandem ecclesiam recepissent post multi temporis tractum prudentum virorum consilio pro eo quod idem R per se vel per alium cautionem standi in judicio nequaquam obtulerat ante scripto P prefatam ecclesiam adjudicare perpetuo curaverunt illum in corporalem illius possessionem mittentes Set cum processu temporis inter eosdem P et R controversia fuisset denuo suscitata idem P porcionem quandam illius ecclesie in vita sua per amicabilem composicionem tenendam concessit set eodem R universe viam carnis ingresso abbas et conventus Cir et quidam alii prefatum P super ecclesia illa injuste fatigant et ne liberam possessionem obtineat injuste prepedire nituntur unde idem P senciens se gravari ad sedem apostolicam appellavit Nos igitur ipsius juri providere volentes idem negocium olim duximus vobis committendum set interveniente sicut accepimus prohibicione laice potestatis quam grave ferimus ab ipsius processu negociis destitistis Inde est quod iterato vobis per apostolica scripta mandamus atque precipimus quatinus vocatis ad presenciam vestram qui fuerint evocandi et inquisita de premissis diligencius veritate super hiis auctoritate nostra contradictione et appellacione remota quod justicia dicaverit judicetis et faciatis per censuram ecclesiasticam firmiter observari congruam recompensacionem fructuum perceptorum sibi fieri sicut justum est facientes Siquid vero post appellaciones ad nos legitime interpositam in prejudicium dicti P temere attemptatum in statum debitum sine appellacionis obstaculo reducatis nullis litteris veritati et justicie prejudicantibus ad sede apostolica impetratis Quod si omnes hiis exequendis ne quiveritis interesse duo vestrum ca nihilominus exequantur Dat Lateran xiiij kal Martii pontificatus anno nostri tercio