Charter Document - 02659682
| Charter Number: | 02659682 |
|---|---|
| Cartulary Title: | The Cartulary of Cirencester Abbey, Gloucestershire |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1237 |
| Date type: | Internal, Calendar, Papal |
| Resource Link(s): |
|
Charter:
Gregorius episcopus servus servorum Dei dilectis filiis de Luffeld et de Essebi prioribus Linc dioecesis salutem et apostolicam benedictionem Dilecti [filii] prior et conventus monasteri de Wrotan sua nobis peticione monstrarunt quod cum abbas et conventus Cirencestr Wigorn dioecesis ipsos super quibusdam decimis quas dicunt de quibusdam terris eiusdem monasterii sibi deberi coram priore de sancto Oswaldo et conjudicibus suis auctoritate litterarum nostrarum traxissent in causam et tercius judicum eorundem commisisset reliquis usque ad diffinitivam sentenciam vices suas quia dicti judices in die festivitatis beate Katerine que in partibus ipsis a clericis et laicis solemniter celebratur ipsos litigare cogebant cum non urgeret necessitas nec pietas suaderet dicti prior et conventus sencientes indebite se gravari nostram audienciam appellaverunt Ideoque discrecioni vestre per apostolica Scripta mandamus quatinus si est ita revocato in statum debitum quicquid post huiusmodi appellacionem inveneritis temere attemptatum in causa ipsa juxta priorum continencia in litterarum appellacione remota racione previa procedatis alioquin partes ad priorum judicum remittatis examen appellantes in expensis legitimis condemnando Testes autem qui fuerint nominati si se gracia odio vel timore se subtraxerint per censuram ecclesiasticum appellacione cessante cogatis veritati testimonium perhibere Dat Viterbii iiij id Aprilis pontificatus nostri anno undecimo
Source (click image below to view full size)
