Charter Document - 02650572

Hec est convencio facta inter abbatem et conventum [cyrencestrensem] ex parte una et Philippum de Sancto Maxencio dictum rectorem ecclesie de Pulleham ex altera anno Domini mccxxxvj in vigilia Sancti Michaelis videlicet cum ex utraque parte inter eos mote essent controversie fundata intencione dicti Philippi contra dictos abbatem et conventum Cyrenc[] in hunc modum Hec est intencio Philippi rectoris ecclesie de Pulleham contra abbatem et conventum Cyr[] Dicit quod cum dicti abbas et conventus habeant pratum situm infra limites parrochie sue de Pulleham decimas illius prati contra justiciam reddere contradicunt unde dampnificatus est ad valentiam xxx marcarum et petit ut tam de perceptis quam de percipiendis sibi satisfaciant competenter et intentat petitorium Preterea petit ut compellantur desistere ab exactione dimidie marce annue quam recipiunt ab eo nomine ecclesie sue de Pulleham vel assignant causam canonicam petendi et probent Hec dicit salvo sibi juris remedio Fundata eciam intencione dictorum abbatis et conventus contra eundem Philippum sub hac forma Dicunt abbas et conventus Cyr[] quod Philippus qui dicit se rectorem ecclesie de Pulleham injuste possidet dictam ecclesiam de Pulleham et in eorum prejudicium cum ipsi sint patroni eiusdem ecclesie et nunquam per eos esset presentatus ad eandem ecclesiam nec per aliquem episcopum institutus Unde petunt ipsum tanquam injustum possessorem inde amoveri cum impediat eorum presentacionem in dictam ecclesiam Dicunt eciam quod idem Philippus quamvis esset verus rector dicte ecclesie de Pulleham injuste percepit per plures annos decimas garbarum proveniencium de dominico eorum de Pulleham et contra eorum privilegia Unde dampnificati sunt ad valentiam xx marcarum in quibus petunt justiciam sibi exiberi Hec dicunt salvo sibi jure addendi mutandi et minuendi Tandem de communi assensu parcium dicte controversie ita conquiverunt scilicet quod remisse sunt dicte actiones ex utraque parte ita quod si in aliquo tempore post vel ante lapsum temporis firme ville de Pulleham quam monachi de la Hyda tenent a dictis abbate et conventu Cyr[] idem abbas et conventus transferant proprietatem eiusdem manerii in manus dictorum monachorum vel alicuius alterius persone facient dicti abbas et conventus Cyr[] dicto Philippo habere possessionem decimarum feni proveniencium de dominico eorum in eadem villa Ipse eciam Philippus solvet dimidiam marcam annuam dictis abbati et conventui Cyr[] prout eandem de ecclesia de Pulleham solent percipere nomine pensionis nec ab eo nisi contingente predicta condicione super decimis feni de dominico eorum in eadem villa vexabuntur Si autem contingat dictos abbatem et conventum ad pristinas actiones suas movendas contra dominum Philippum redire idem Philippus redibit ad pristinas actiones suas contra eosdem exercendas utriusque partis causa existente in eodem statu in quo fuit in confectione istius scripture sive convencionis nec per processum alicuius cause mote hinc inde alicui parcium generabitur prejudicium nec post convencionem istam factam et inscripturam redactam poterit idem Philippus racione secundi decreti auctoritate suorum judicum de Chaudewell[] et de Newenham priorum in dictis decimis feni vel in aliis de dominico de Pulleham sibi aliquod jus vendicare Et facta est hec scriptura in modum cyrography ita quod medietas ipsius signata signo abbatis et conventus Cyr[] consistat penes dictum Philippum et altera medietas signata signo dicti Philippi resideat penes dictos abbatem et conventum Cyr[] Hiis testibus magistro Radulfo de Lattun[] domino j[ohanne] de Burtun[] Willelmo rectore ecclesie de Rodmertun[] Hugone Benne Johanne de Egeswrth[] Willelmo de Lond[] n[icholao] de Prestun[] et aliis