Charter Document - 02650495

Abbas Cirencestrie summonitus fuit ad respondendum Gilberto de Clare comiti Glouc[] et Hertford de placito quare cum idem comes racione manerii sui de Rothewell[] quod de domino rege tenet per servicium militare visum franciplegii et emendas transgressionum contra assisam panis et servisie fracte de hominibus predicti abbatis de Roth[] in manerio suo predicto habere et tenere debeat et antecessores ipsius comitis habere et tenere consueverunt idem abbas prefatum comitem huiusmodi visum et emendas in manerio suo predicto sicut visum illum tenere et emendas predictas habere debet et antecessores sui habere et tenere consueverunt habere et tenere non permittit in ipsius comitis dampnum non modicum et gravamen et exheredacionem manifestam et unde dicit quod quedam Matilda antecessor sua tempore regis Ricardi fuit seysita de predicto visu et emendis transgressionum contra assisam panis et servisie fracte ut de feodo et jure tempore pacis tempore predicti regis consanguinei regis nunc capiendo inde expleta ut in amerciamentis emendis et aliis exitibus visus franciplegii ad valenciam dimidie marce et amplius [] de hominibus predicti abbatis et de comorantibus in feodo suo in predicta villa [] et de Matilda descendit jus predicti visus cuidam Ricardo ut filio et heredi et de predicto Ricardo Gilberto ut filio et heredi et de Gilberto Ricardo ut filio et heredi et de Ricardo isti Gilberto filio et heredi qui nunc petit [] et unde dicit quod deterioratus est et dampnum habet ad valenciam C marcarum Et abbas per attornatum suum venit et dicit quod ad istud breve non tenetur respondere quia dicit quod istas libertates de seysina antecessoris sui et postea in fine narracionis petit dampna unde petit judicium si ad istud breve debeat respondere desicut variat de jure suo in hoc quod petit dampnum quod sonat in jure possessionum [] Et super hoc Venit Gilbertus de Trouham qui sequitur pro domino rege et dicit quod accio ad huiusmodi libertatem revocandam spectat ad dominum regem et non ad alium in regno suo unde petit quod predictum breve non procedat in prejudicium ipsius domini regis et preterea dicit quod abbas nichil habet visus nisi tantummodo per occupacionem predecessoris sui quam occupavit super coronam Henrici regis patris regis nunc et hoc post tempus datum breve nove disseisine quia dicit quod tenentes predicti abbatis infra tempus predictum venerunt ad turnum vicecomitis apud Rothewell[] et quod predicti tenentes dederunt domino regi Henrico unam marcam pro auxilio vicecomitis et hoc paratus verificare est sicud curia considerabit Et abbas venit et dicit quod quidam Henricus ultimus predecessor suus obiit seysitus de predicto visu et hiis que ad visum franciplegii pertinent de omnibus comorantibus in feodo suo in predicta villa de Roth[] unde dicit quod sine brevi domini regis in isto casu non tenetur respondere Postea venit predictus comes et petit licenciam recedendi de brevi et habet per justiciarios eo quod secta sua est prejudicialis domino regi Postea quia dominus non habet breve versus predictum abbatem de predicto visu ideo quo ad hoc ad presens sine die