Charter Document - 02641724

Assisa uenit recognoscere si Hugo de Plecitis Iohannes filius Thome Philippus Minkan Iohannes de Caundois Rogerus Hardekel et Thomas Thursteyne iniuste disseisiauerunt Priorem Sancte Frideswide Oxon de libero tenemento suo in Hedindon post primam [] et unde querebatur quod disseisiauerunt eum de lix acris cum pert[inentiis] in eadem uilla Et predictus Hugo de Plecitis uenit et respondit pro se et omnibus aliis et dicit quod assisa non debet inde fieri quia dicit quod predictum tenementum quod predictus Prior posuit in uisu suo est de antiquo dominico domini Regis ubi nullum breue placitatur nisi tantum primum breue secundum consuetudinem Manerii et petiit inde iuditium Et predictus Prior dicit quod quidam Ethelred Rex antecessor Regis nunc feoffauit ipsum et Ecclesie suam de predicto tenemento per cartam ipsius Ethelredi Regis quam profert et que hoc testatur diu antequam idem Hedindon uel antecessores sui aliquid iuris in predicta uilla de Hedindon habuerunt et similiter ostendit cartam domini H Regis patris Regis nunc que quidem confirmat feoffamenta Ethelredi Regis predicto Priorem et Ecclesie sue Sancte Frideswide et eorum successoribus habenda libere et quiete inperpetuum Et quod ita sit ponit se super assisam et predictus Hugo similiter Et quia omnes recognitiones prefate assise sunt inutiles de Hundredo de Bolondon quod est in manu predicti H et sub potestate sua ideo precatus est Uicecomes quod uenire faciat xii per quos rei ueritas sciri poterit et qui non sunt de affinitate nec sub potestate predicti Hugo [] Et quia magistri Ricardus et Robertus Fulco Iustitiarii alias assignati ad istam assisam capiendam uacare non possunt prout dominus Rex per litteras suas plenius testatur idem dominus Rex constituit predictos Galfridum et Iohannem Iustitiarios ad assisam istam capiendam Et predictus H et alii non ueniunt Et idem Hugo pro se et omnibus aliis respondit et dicit quod nullam disseisinam fecerunt predicto Prior de aliquo dicto tenemento Dicit etiam quod nichil clamat in tenemento illo nisi ut tantummodo communem pasturam ad aueria sua [habeat] sicut et ipse et antecessores sui consueuerunt habere ibidem Dicit etiam quod predictum tenementum quod posuit in uisu suo est que[dam] placea aquosa et fecit fugare aueria sua ibidem ad pascendum sicut ei bene licuit quia ipse et antecessores sui ita facere solebant et bene concedit quod tenementum illud sit predicti Priorem et ius Ecclesie sue salua tamen ei communi pastura sua sicut predictum est Et Prior dicit quod predictus Hugo et omnes alii disseisiauerunt eum de predicto libero tenemento suo iniuste et quod ita sit petit quod inquiratur per assisam