Charter Document - 02640722

Nouerit vniuersitas fidelium quod cum inter Ricardum Abbatem et Conuentum Oseneye et Simonem Priorem Sancte Frideswide mote fuissent multe lites coram iudicibus a sede apostolica delegatis et eciam coram arbitris de communi consensu parcium electis videlicet Archidiacono Wygorn et coram arbitris suis super decimis feni pratorum omnium de feodo de Hedindon extra curiam Osen versus occidentem iacencium et super decimis istorum pratorum Northam Putmed Halkewer Bradmore et super decimis bladi et feni Andree de Couele et super decimis bladi de tota illa porcione culture iacente vltra Hospitale Sancti Bartholomei versus orientem que fuit communis pastura de Couele et super decimis bladi et feni Prioris et Conuentus Sancte Frideswide in Cudeslowe obuencionibus oblacionibus et alijs parochialibus prouentibus seruitium suorum ibidem degencium et super decimis bladi et feni Prioris et Conuentus Sancte Frideswide dimidie hide Prioris que fuit Henrici Beaufiz in Thumel oblacionibus obuencionibus minutis decimis et parochiali sequela hominum suorum ibidem degencium decimis culture que dicitur Bradmor Berewes decimis culture que dicitur Gibris Grauamen quod euenit per augmentatum redditum de Langen carta Ethelredi Regis et illis alijs instrumentis per quem Ecclesia Sancte Marie Magdalene vel aliquid in ea sine decimo de Northam uendicare possint a Canonicis Sancte Frideswide renunciacione vsus talium instrumentorum periurio eorundem Canonicorum et super decimis molendinorum molencium bladum in curia Osen et omnium officinarum que site sunt vltra veterem cursum illius aque que vocatur Ealdea versus occidentem et super omnibus obuencionibus et alijs parochialibus prouentibus seruientum in eisdem officium degencium et super decimis tocius culture que iacet super stratam regiam vicinam culture de Wynterbrok vsque ad Hospitalem Sancti Bartholomei et super processionibus Ecclesiarum Sancti Georgij et Sancte Marie Magdalene die Ascenscionis Domini et super [decimis] feni et molendinorum et piscaria Roberti Hulc et super decimis omnium terrarum occultarum de feudo de Hedindon ex parte occidentali aque de Charwelle exceptis culturis de Northam Berecroft et terris cultis infra limites Sancte Marie Magdalene Tandem per magistros Robertum Officialem domini Lincolniensis et Archidiaconi eiusdem loci et Adam Archidiaconum Oxon mediatores omnes dicte controuersie amicabiliter sopite sunt inperpetuum hoc modo Videlicet quod pro bono pacis perpetue dicti Abbas et Conuentus Osen concesserunt dictis Priori et Conuentui Sancte Frideswide omnes decimas bladi et feni quas percipere consueuerunt de hida Prioris in Thumel et eciam omnes minutas decimas et decimas feni de Putmed et de Halwer et decimas feni de Bradmor cum eas adquisierint et medietatem decimarum feni de Wyneleseye Et dicti Prior et Conuentus Sancte Frideswide concesserunt dictis Abbati et Conuentui Osen vt pacifice possideant omnes decimas omnium pratorum de feudo de Hedendon extra curiam Osen versus occidentem et vt pacifice gaudeant decimis feni de Northam omnem querelam inperpetuum super decimis remittentes eisdem Abbati et Conuentui prius motam Si vero pratellum quod dicitur Linche fuerit appendicium de Northam vel Haltwer eius partis sit appendicium illud ad quam spectat et pratum cuius est appendicium si neutrius est appendicium diuidatur inter partes Et concesserunt eisdem Canonicis Sancte Frideswide alteram medietatem decimarum feni de Wyneleseye cuius prati decime communibus consilijs et expensis debent adquiri et colligi Insuper decime feni Andree de Couele plene et pacifice soluentur Abbati et Conuentui Osen similiter et decime feni et molendinorum et piscaria Roberti Hulk quamdiu racione tenementi illius parochianus de Cudlinton extiterit Si autem post decessum eiusdem Roberti Canonici Sancte Frideswide voluerint in manu propria illud molendinum cum pertinentiis tenere erit de dictis decimis sicut ius dictauerit Ceteras vero peticiones et querelas super rebus alijs superius nominatis et super mutuis peticionibus pene quinquaginta marcarum et super peticionibus expensis racione [litium] motarum [factarum] ambe partes sibi inuicem remiserunt inperpetuum transaccionibus tamen et composicionibus super Insula de Langueya et super Ecclesia Sancte Marie Magdalene olim inter partes confectis per omnes articulos suos in suo vigore manentibus Canonici eciam Sancte Frideswide plenam restitucionem cuiusdam redditus ix denarios de terra quondam Siredi in parochia Sancte Marie Magdalene eidem Ecclesie facient et Canonici Osen accionem suam remiserunt et querelam super illo redditu motam Concesserunt eciam vtraque pars quod cancelletur et cassetur compromissio inter se inuicem facta super dictis rebus et renunciatum est impetretur quantum ad eos controuersias et res que superius nominate sunt Promiserunt autem dicti Abbas Osen et Prior Sancte Frideswide pro se ipsis et Conuentibus suis inspectis sacrosanctis quod bona fide et sine omni fraude hanc composicionem in omnibus obseruabunt et nunquam aliquid in eius preiudicium machinabuntur Acta sunt hec Anno Incarnacionis Domini MCCXX[V] xj Kalendas Iunij in Capella Sancti Nicholai apud Osen Et vt rata inperpetuum hec omnia perseuerent signata sunt sigillis ambarum Domorum et dictorum Abbatis et Prioris pariter et sigillis venerabilium dictorum Archidiaconorum