Charter Document - 02630547

Uniuersis sancte matris ecclesie filiis presentes litteras uisuris uel audituris Willelmo permissione diuina abbas Sancti Iohannis Colecestrie et eiusdem loci conuentus salutem in domino Uniuersitati uestre notum facimus quod cum uiri religiosi abbas et conuentus monasterii Sancti Martini de Sagio nos super duabus partibus omnium decimarum tam maiorum quam minorum de manerio quod uocatur Niweseles in parrochia de Berqueia Londoniensis dioecesis prouenientium coram dominis decano et thesaurario Cicestrensibus principalibus iudicibus auctoritate apostolica traxissent in causam iidem iudices cognitis ipsius cause meritis ordine iuris in omnibus obseruato predictas duas partes omnium decimarum predictarum tam maiorum quam minorum quocunque nomine censeantur de predicto manerio quod uocatur Niewesele prouenientium prefatis abbati et conuentui de Sagio utpote ad dictum monasterium eorum de iure pertinentes per sententiam diffinitam adiudicarunt Nos uero predicte sententia parere uolentes eidem sponte adquiescimus ac ut eadem sententia sine difficultate qualibet in auctoritatem rei iudicate transeat omnibus appellationibus tam ab eadem quam a grauaminibus quibuscumque interpositis et interpositis necnon et omnibus litteris super hiis impetratis et impetrandis et omnibus processibus habitis per easdem sponte renuntiamus atque predictas duas partes omnium decimarum predictarum tam maiorum quam minorum de dicto manerio quod uocatur Niwesele in parrochia de Berqueie prouenientium quocumque iure censeantur ad prefatum monasterium Sancti Martini Sagiense de iure pertinere recognoscimus et presentibus confitemur Ad hec ad uniuersitatis uestre notitiam uolumus deuenire nos omnes predictas decimas tam maiores quam minores a prefatis abbate et conuentu de Sagio ad firmam perpetuam scientur recepisse pro xl solidis annuis bonorum et legalium sterlingorum ad duos terminos eisdem abbati et conuentui Sagiensibus uel eorum procuratori seu certo nuntio apud Colecestriam in ecclesia conuentuali Sancti Botulfi soluendis uidelicet in crastino Sancti Michaelis xx solidos et in crastino dominice qua cantatur Quasimodo geniti xx solidos tali conditione adiecta quod si in solutione alicuius termini per culpam nostram cessauerimus liceat prefatis abbati et conuentui Sagiensibus tanquam dominis rem propriam per se uel per procuratorem suum omnes predictas decimas propria auctoritate resumere et reuocare ac de eisdem ex tunc perpetuo pro uoluntate sua disponere et ordinare omni appellatione et contradictione cessantibus nisi abbas et conuentus Colecestrie predicti infra viii dies subsequentes satisfecerint de predicta firma ad hoc interpallati per procuratorem dictorum abbatis et conuentus Sagiensium et de expensis ob moram factis sacramento dicti procuratoris declarandis Hoc insuper adiuncto quod si in solutione alicuius termini per culpam nostram defecerimus nec permiserimus prelibatos abbatem et conuentum Sagienses uolentes predictas decimas reuocare de eisdem pro uoluntate sua disponere promittimus et tenemur per stipulationem legitimam omnia dampna que dicti abbas et conuentus Sagienses propter hoc sustinuerint sibi resarcire et omnes expensas quas fecerint pro dictis decimis reuocandis seu recuperandis reddere et persoluere et nihilominus omnes predictas decimas restituere Super quibus dampnis et expensis uolumus quod credatur iuramento procuratoris dictorum abbatis et conuentus Sagiensium habentis speciale mandatum ad iurandum in animas eorundem Pro quibus omnibus et singulis supradictis obseruandis et adimplendis nos abbas et conuentus Sancti Iohannis Colecestrie predicti nos et monasterium nostrum cum omnibus bonis suis presentibus et futuris mobilibus et immobilibus prouentibus et redditibus tam ecclesiasticis quam mundanis prefatis abbati et conuentui Sagiensibus et maxime usque ad satisfactionem omnium dampnorum si qua sustinuerint et solutionem omnium expensarum ut supradictum est probandarum si que fecerint ob culpam nostram specialiter obligamus Renuntiantes in his omnibus et singulis supradictis omni iuris auxilio canonici et ciuilis priuilegio clericatus et fori omni consuetudini et statuto et specialiter beneficio restitutionis in integrum et specialiter beneficio quo fungitur ecclesia uice minoris et omnibus litteris apostolicis et indulgentiis contra predicta modo quolibet a sede apostolica seu a sede Cantuarie uel ab aliis quibuscumque impetratis et impetrandis cunctisque constitutionibus editis in concilio Lugdunensi et omni appellationi et specialiter beneficio tuitionis cuiuslibet a sede Cantuarie impetrande exceptioni doli in factum et omni alii exceptioni reali et personali que possent obici contra istud factum uel hoc instrumentum In cuius rei euidentiam pleniorem presens instrumentum sigillo autentico capituli nostri et abbatis predicti roborauimus Data in capitulo nostro aput Colecestriam presentibus fratribus die Lune proxima ante festum Sancti Martini hiemalis anno domini MCCXL nono