Charter Document - 02630545

Anno ab incarnatione domini millesimo ducentesimo uicesimo septimo conuenit inter Adam abbatem et conuentum Sancti Iohannis de Colecestria ex una parte et Hasculfum priorem et conuentum Sancti Botulfi de Colecestria ex altera super causa que uertebatur inter predictos priorem et conuentum ex una parte coram iudicibus a sede apostolica delegatis et Nicholaum capellanum uicarium ecclesie Sancti Leonardi de Colecestria ex altera Que uidelicet ecclesia Sancti Leonardi spectat ad abbatem et conuentum memoratos uidelicet quod prior et conuentus Sancti Botulfi concesserunt ecclesie Sancti Leonardi predicte ut perpetuo precipiat decimas feni quatuor acrarum quas Ricardus filius Gilleberti et Euerardus molendinarius tenuerunt aliquando de feodo suo in prato salso apud Hetham Prefati autem prior et conuentus percipient omnes decimas feni prouenientes de duabus acris adiacentibus que sunt de feodo Willelmi de Haia et de toto residuo prato adiacenti eisdem pertinenti ad ipsos et eorum tenentes sine omni contradictione inperpetuum Et preterea omnes decimas illas prouenientes de Sokaham tam de pastura quam de terra arabili que Soka se extendit ibidem a terra Walteri Ursi per boscum qui uocatur Hedho ad molendinum eorum quod uocatur Newemelne percipient predicti prior et conuentus Sancti Botulfi inperpetuum tamquam ad se spectantes saluis ecclesie Sancti Leonardi minutis decimis prouenientibus de animalibus parochianorum suorum que sunt cumbantia et leuantia in parochia Sancti Leonardi saluis etiam eidem ecclesie decimis garbarum de terris quas tenent Christiana Kinich Eadmundus Pullehare et ceteri manentes infra clausum illum uersus terram Walteri Ursi sicut terre ille fossatis domibus et magna strata circumcinguntur Quas quidem decimas prefata ecclesia Sancti Leonardi percepit multis retro temporibus Si uero contingat quod prelibata pastura que modo iacet inculta aliquo inposterum tempore redigatur in culturam non obstante eo quod ecclesia Sancti Leonardi ad presens de animalibus parochianorum suorum decimas minutas precipit ecclesia Sancti Botulfi omnes decimas exinde perpetuo possidebit Post decessum autem predicti Nicholai capellani dicti abbas et conuentus nullum consilium uel auxilium prestabunt uicariis qui pro tempore fuerint in ecclesia Sancti Leonardi quo minus hec compositio et conuentio robur optineant perpetue firmitatis si forte contra eandem aliquo titulo temere uenire presumpserint Et sic omnis controuersia inter dictas ecclesias mota mediante compositione ista est sopita Renuntiatumque est ab utroque latere omnibus impetratis et impetrandis priuilegio fori et omnibus per que ea que per presentem conuentionem acta sunt possint in irritum deuocari Et ut hec omnia sicut prescripta sunt firma permaneant hac carta cirographata ex una parte sigillo capituli Sancti Iohannis Colecestrie et ex altera parte sigillo capituli Sancti Botulfi confirmata et corroborata sunt Hiis testibus Domino Laurentio priore de Bernewelle Symone filio Marciani Iohanne filio Radulfi Nicholao filio Galfridi Thoma de Estrate Elya filio Turstani Thoma filio Radulfi Rogero Belet Waltero Urso Galfrido filio Reimundi Iohanne Strut et allis