Charter Document - 02629340
| Charter Number: | 02629340 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Royal |
| Charter Type(s): | Mandate |
| Date: | 1262 |
| Date type: | Internal, Regnal |
| Resource Link(s): |
Reference Document for this Embedded Document |
Charter:
H[enricus] dei gracia rex Anglie [] Questus est nobis abbas de Oseneya quod Willelmus filius Willelmi filii Elye Henricus de Bellofago Petrus filius Iacobi Robertus Shyrewynd Stephanus de Wermhale Robertus Buchel Iohannes Le Chasur et Rogerus Rubys iniuste et sine iudicio disseisiuerunt eum de communa pasture sue in Pyria que pertinet ad liberum tenementum suum in eadem villa post primam transfretationem nostram in Britanniam Et ideo tibi precipimus quod si predictus abbas fecerit te securum de clamio suo prosequendo tunc facias xii liberos et legales homines de visneto illo videre pasturam illam et tenementum et nomina eorum inbreviari et summoneas eos per bonos summonitores quod sint coram dilecto et fideli nostro Mart de Lutlebur et hiis quos sibi duxerit associandos ad certos diem et locum quos idem Martinus tibi scire fac[iat] paratos inde facere recognicionem et pone per vadium et saluos plegios predictos Willelmum Henricum Petrum Robertum Stephanum Robertum Iohannem et Rogerum uel balliuos suos si ipsi non fuerint inuenti quod tunc sint ibi audituri illam recognicionem et habeas ibi summonitores et iuratores et hoc breue Teste Philippo Basset iustic nostro Anglie apud Eylysburiam xxii die Augusti anno regni nostri xlvi
Source (click image below to view full size)
