Charter Document - 02629049
| Charter Number: | 02629049 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1220 |
| Date type: | Internal, Calendar, Papal |
| Resource Link(s): |
|
Charter:
Honorius episcopus seruus seruorum dei dilectis filiis de Rading et de Abbendona abbatibus et priori de Abbendona Saresbiriensis dioecesis salutem et apostolicam benedictionem Dilecti filii abbas et conuentus de Oseneya sua nobis conquestione monstrarunt quod Ricardus clericus et quidam alii Lincolniensis et Saresbiriensis dioecesum super decimis possessionibus et rebus aliis ad ecclesiam eorum de sancto Georgio de iure spectantibus iniuriantur eisdem Ideoque discrecioni uestre per apostolica scripta mandamus quatinus partibus conuocatis audiatis causam et quod iustum fuerit appellacione postposita statuatis facientes quod statueritis per censuram ecclesiasticam firmiter obseruari Testes autem qui fuerint nominati si se gratia odio uel timore subtraxerint per censuram eandem appellacione cessante cogatis veritati testimonium perhibere Quod si non omnes hiis exequendis potueritis interesse duo vestrum ea nihilominus exequantur Datum Viterbii iiii Kal Maii Pontificatus nostri anno quarto
Source (click image below to view full size)
