Charter Document - 02626049
| Charter Number: | 02626049 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1223 |
| Date type: | Internal, Calendar, Papal |
| Resource Link(s): |
|
Charter:
Honorius episcopus seruus seruorum dei dilectis filiis abbati decano et priori de Abbendone Sarisbiriensis dioecesis salutem et apostolicam benedictionem Dilecti filii abbas et conuentus Oseneye nobis conquerendo monstrarunt quod abbas et conuentus de Wardon Cisterciensis ordinis et quidam alii Lincolniensis dioecesis super quibusdam decimis et rebus aliis iniuriantur eisdem Ideoque discrecioni uestre per apostolica scripta mandamus quatinus partibus conuocatis audiatis causam et appellacione remota fine debito terminetis facientes quod decreueritis per censuram ecclesiasticam firmiter obseruari Testes autem qui fuerint nominati si se gracia odio uel timore subtraxerint per censuram eandem appellacione cessante cogatis ueritati testimonium perhibere Quod si non omnes hiis exequendis potueritis interesse duo uestrum ea nihilominus exequantur Datum Laterani xvi Kal Decembris pontificatus nostri anno vii
Source (click image below to view full size)
