Charter Document - 02625009
| Charter Number: | 02625009 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1300 |
| Date type: | Internal, A.D., Regnal, Feast |
| Resource Link(s): |
|
Charter:
Omnibus [] frater Iohannes abbas Oseneye et eiusdem loci conuentus salutem in domino Nouerit uniuersitas uestra quod cum dominus Hugo de Plessetis miles pro se et heredibus suis nobis et ecclesie nostre et successoribus nostris quasdam concessiones et donaciones per Robertum de Olleyo Henricum de Olleyo et Henricum filium suum fundatores nostros de diuersis terris tenementis redditibus libertatibus ecclesiis decimis pratis pasturis pascuis boscis aquis piscariis cum suis undique pertinenciis factas et concessas sigillo suo confirmasset prout in ipsis confirmacionibus plenius continetur tamen ex certa conuencione inter nos et predictum dominum Hugonem post predictas confirmaciones inita et ordinata volumus et concedimus pro nobis ecclesia nostra et successoribus nostris per presentes in perpetuum quod dictus dominus Hugo et heredes sui uirtute seu effectu predictarum confirmacionum uel ipsarum alicuius de terris tenementis libertatibus regalibus et aliis et feodis quibuscumque cum omnibus suis pertinenciis seu de aliquibus rebus ad liberum tenementum suum spectantibus uel qualitercumque contingentibus uel pertinentibus aliquo modo non sint exheredati nec de aliquibus exclusi in supradictis terris et tenementis feodis et libertatibus que et quas terras et tenementa libertates feoda cum eorum pertinentiis ubicumque et qualitercumque pertinentibus Iohannes de Plessetis auus predicti domini Hugonis de Plessetis cuius heres ipse est habuit de dono et feofamento domini Henrici regis Anglie patris domini Edwardi regis nunc prout in carta dicti domini regis Henrici inde facta predicto Iohanni de Plessetis plenius continetur saluis tamen nobis et ecclesie nostre et successoribus nostris concessionibus remissionibus quieteclamanciis et libertatibus cum visu franciplegii in manerio nostro de Wateretone et Codeslowe a dicto domino Hugone per scriptum suum nobis factis et concessis prout in ipso scripto apparet et plenius continetur Preterea volumus et concedimus pro nobis et ecclesia nostra et successoribus nostris ut prius per presentes quod predictus dominus Hugo uel heredes sui per virtutem vim vel effectum predictarum confirmacionum uel alicuius ipsarum ad aliquam warantiam alicuius liberi tenementi vel ad aliquod aliud quod ad liberum tenementum pertineat uel aliarum rerum quarumcumque in donacionibus concessionibus predictorum Roberti de Olleyo Henrici de Olleyo et Henrici filii Henrici de Olleyo per predictum Hugonem confirmatis contentarum minime teneantur In quorum [] Hiis testibus []
Source (click image below to view full size)
