Charter Document - 02624401
| Charter Number: | 02624401 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Agreement, Settlement |
| Date: | 1192 |
| Date type: | Internal, A.D., Feast |
| Resource Link(s): |
|
Charter:
Omnibus [] magister Iohannes Cornub et magister Robertus de Melum salutem in domino Notum sit uniuersitati uestre quod cum causa que uertebatur inter abbatem et canonicos de Oseneia et Iordanum de Hameledena super decimis omnium mobilium eiusdem Iordani que habuit in parrochia de Watlintona nobis esset a domino Hugone Lincolniensi episcopo demandata partibus in presentia nostra constitutis lis inter eos diu uentilata hoc modo finem accepit Ex assertione siquidem tam canonicorum quam magistri Ricardi Grim uice archidiaconi Oxen et Thome de Bensintona decani de Ciltra et multorum aliorum nobis plene constitit quod cum causa uentilaretur coram predicto uice archidiacono canonicis proponentibus sibi predictas decimas deberi eo quod dictus Iordanus parrochianus est ecclesie sue de Watlintona et tam ipse quando ibi moratur quam familia sua per anni circulum in ecclesia de Watlintona ecclesiastica percipit sacramenta Iordano econtra proponente ouile ouium suarum esse in terra quadam quam tenet ad firmam de monachis Pratellensibus qui ut dicitur exempti sunt a prestatione decimarum tam de terris quas propriis sumptibus colunt quam de nutrimentis animalium suorum et ideo nec se de ouibus debet decimas soluere dicente etiam se paratum esse obseruare quicquid inde capitulum statueret usque ad diffinitiuam sententiam in causa fuerat processum et quod alias in sinodo ubi etiam nos interfuimus sententia formata erat sed propter absentiam Iordani non pronunciata cum itaque in causa uellemus procedere Radulfus procurator eiusdem Iordani qui et frater et heres eius dicitur metuens contrariam reportare sententiam ad dominum Lincolniensem episcopum appellauit Nos uero attendentes quod primo ad episcopum Lincolniensem secundo ad episcopum Londoniensem et iam tercio ad episcopum Lincolniensem in eadem causa esset appellatum consilio uirorum prudentum et iuris peritorum iudicauimus appellationem illam non tenere Ipse nichilominus renouans appellationem a iudicio recessit Postmod[um] uero diligenti [habi]to super eodem negotio tractatu post trinam d[enunciacion]em per modica interualla [eidem] Radulfo factam ut coram nobis iuripareret ipso tamen in eadem contumacia perseuerante predictas decimas abbati et canonicis de Osen[eya] adiudicauimus partem aduersam ad earundem restitutionem condempnantes assidentibus nobis de sancta Frideswida et de Eignesham prioribus magistro Ricardo Grim uicearchidiacono magistro Iohanne de Brideport magistro Roberto Aaron magistro Nicholao de Leucanor magistro Nicholao de Westmust magistro Martino magistro Honorio magistro Iohanne de Icforde magistro T de Watel[e] Thomo decano de Ciltra Nigello decano de Oxen[ford] multisque aliis Facta sunt hec in crastino post sinodum celebratam circa festum sancti Michaelis anni dominice Incarnationis mc nonagesimi secundi
Source (click image below to view full size)
Markups
Names Markup:
Omnibus [] magister Iohannes Cornub et magister Robertus de Melum salutem in domino Notum sit uniuersitati uestre quod cum causa que uertebatur inter abbatem et canonicos de Oseneia et Iordanum de Hameledena super decimis omnium mobilium eiusdem Iordani que habuit in parrochia de Watlintona nobis esset a domino Hugone Lincolniensi episcopo demandata partibus in presentia nostra constitutis lis inter eos diu uentilata hoc modo finem accepit Ex assertione siquidem tam canonicorum quam magistri Ricardi Grim uice archidiaconi Oxen et Thome de Bensintona decani de Ciltra et multorum aliorum nobis plene constitit quod cum causa uentilaretur coram predicto uice archidiacono canonicis proponentibus sibi predictas decimas deberi eo quod dictus Iordanus parrochianus est ecclesie sue de Watlintona et tam ipse quando ibi moratur quam familia sua per anni circulum in ecclesia de Watlintona ecclesiastica percipit sacramenta Iordano econtra proponente ouile ouium suarum esse in terra quadam quam tenet ad firmam de monachis Pratellensibus qui ut dicitur exempti sunt a prestatione decimarum tam de terris quas propriis sumptibus colunt quam de nutrimentis animalium suorum et ideo nec se de ouibus debet decimas soluere dicente etiam se paratum esse obseruare quicquid inde capitulum statueret usque ad diffinitiuam sententiam in causa fuerat processum et quod alias in sinodo ubi etiam nos interfuimus sententia formata erat sed propter absentiam Iordani non pronunciata cum itaque in causa uellemus procedere Radulfus procurator eiusdem Iordani qui et frater et heres eius dicitur metuens contrariam reportare sententiam ad dominum Lincolniensem episcopum appellauit Nos uero attendentes quod primo ad episcopum Lincolniensem secundo ad episcopum Londoniensem et iam tercio ad episcopum Lincolniensem in eadem causa esset appellatum consilio uirorum prudentum et iuris peritorum iudicauimus appellationem illam non tenere Ipse nichilominus renouans appellationem a iudicio recessit Postmod[um] uero diligenti [habi]to super eodem negotio tractatu post trinam d[enunciacion]em per modica interualla [eidem] Radulfo factam ut coram nobis iuripareret ipso tamen in eadem contumacia perseuerante predictas decimas abbati et canonicis de Osen[eya] adiudicauimus partem aduersam ad earundem restitutionem condempnantes assidentibus nobis de sancta Frideswida et de Eignesham prioribus magistro Ricardo Grim uicearchidiacono magistro Iohanne de Brideport magistro Roberto Aaron magistro Nicholao de Leucanor magistro Nicholao de Westmust magistro Martino magistro Honorio magistro Iohanne de Icforde magistro T de Watel[e] Thomo decano de Ciltra Nigello decano de Oxen[ford] multisque aliis Facta sunt hec in crastino post sinodum celebratam circa festum sancti Michaelis anni dominice Incarnationis mc nonagesimi secundidate