Charter Document - 02624137
| Charter Number: | 02624137 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Lay |
| Charter Type(s): | Acknowledgment |
| Date: | 1228 |
| Date type: | Assigned |
| Resource Link(s): |
|
Charter:
Uniuersis Cristi fidelibus ad quos presens scriptum peruenerit Robertus Folioth rector ecclesie de Rouelesham salutem in domino Ad uniuersitatis uestre noticiam uolo peruenire quod cum ab abbate et conuentu Oseneye super tercia parte garbarum dominici Ricardi Folioth de Rouelesham pertinente de iure communi ad ecclesiam suam de Magna Bartona ut asserebant et quibusdam minutis decimis eiusdem dominici uidelicet Gileberti filii Nicholai coram Cancellario Oxon priore et decano Abbendonie iudicibus a domino papa delegatis tractus fuissem in causam dominum habens pre oculis in dictis decimis racione ecclesie de Rouelesham uel antique possessionis mee nullum ius uendicando easdem ad ecclesiam suam de Bertona iure communi et parochiali pertinere coram dictis iudicibus recognoui In cuius [] hiis testibus Nicholao decano Abbendonie magistro S de Stanes Henrico Purcel Henrico clerico de camera abbatis Nicholao Nisternon Petro de Sibeford Ricardo de Sibeford Willelmo de Leuekenore et aliis Valete
Source (click image below to view full size)
