Charter Document - 02623400
| Charter Number: | 02623400 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Verdict |
| Date: | 1184 |
| Date type: | Assigned |
| Resource Link(s): |
|
Charter:
Venerabili patri et domino in Cristo karissimo W[altero] dei gratia Lincolniensi episcopo frater a[dam] Eueshamensis monasterii dictus abbas et E prior de Radinges salutem et debitam reuerentiam Paternitati uestre sig[nifi]care dignum duximus causam Willelmi militis de Hameldene occasione uexationis canonicorum de Osen[eya] super decimis de Wadecumbe nobis ex delegacione summi pontificis fuisse commissam cognoscendam et terminandam Que cum iuris ordine in omnibus obseruato fuissemus persecuti iuxta formam man[dati apostolici] prefatum militem a prescriptorum canonicorum uexatione absoluimus Quia ergo uestre incumbit prudentie ea que auctoritate apostolica statuta sunt legitima obseruare [et presertim] his que ordinaria potestate ad uestram spectant sollicitudinem auctoritatem uestram accomodare sanctitatis uestre discretioni de qua non mediocriter confidimus mandamus quatinus prefatam sententiam faciatis obseruari et quod a nobis tanta auctoritate statutum est eadem auctoritate et uestra interuentione precipiatis firmiter teneri Demum a uobis obtinere desideramus ne occasione alicuius excessus in causa terminata ampliori eiusdem instantia militis merito sollicitemur Vale paternitas uestra in domino
Source (click image below to view full size)
