Charter Document - 02623024
| Charter Number: | 02623024 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1148 - 1153 |
| Date type: | Assigned |
| Resource Link(s): |
|
Charter:
Robertus dei gracia Lincolniensis episcopus omnibus dilectis filiis suis salutem in Cristo et benedictionem Ex imposito nobis commonemur officio quatinus peticionibus quas ad religionis incrementum pertinere dinoscimus facilem et benignum prebeamus assensum Quocirca carissimorum filiorum nostrorum canonicorum scilicet sancte Marie de Oseneia piis postulationibus annuentes concedimus et presenti scripto in perpetuam elemosinam confirmamus ipsis et monasterio in quo diuino mancipantur officio ecclesiam sancti Georgii que sita est in castello Oxenefordie cum uniuersis tenaturis et possessionibus et cum omnibus ad eandem ecclesiam pertinentibus scilicet in ecclesiis in decimis in hominibus in domibus in terris in aquis in pratis et pascuis in bosco in plano et omnibus aliis rebus cum omnibus consuetudinibus et libertatibus quas eadem ecclesia sancti Georgii habuit in tempore antecessorum qui eam fundauerunt eo scilicet ordine quod post decessum clericorum qui illis modo presunt possessionibus ipse eedem possessiones et redditus cum omni integritate sua transibunt in usus et dominium fratrum iam dicte ecclesie de Oseneia sic tamen quod de ipsis beneficiis tantum reseruabitur ad seruitium sepe iam dicte ecclesie sancti Georgii secundum dispositionem nostram et patroni ac prelati monasterii clericorum regularium unde sustentari ualeant duo presbiteri Huius igitur nostre constitutionis perturbatoribus dampnationis periculum imminere denuntiamus conseruatores autem benedictione dei et nostri potiantur Amen
Source (click image below to view full size)
