Charter Document - 02623019
| Charter Number: | 02623019 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1149 |
| Date type: | Assigned |
| Resource Link(s): |
|
Charter:
Notum sit fidelibus sancte ecclesie quod ego Iohannes de sancto Iohanne consensu et concessu Thome filii mei et uxoris mee et consilio proborum hominum meorum atque amicorum do atque concedo in perpetuam elemosinam pro salute mea atque filii mei et uxoris mee et pro anima patris mei et matris mee et fratris mei Thome atque aliorum fratrum meorum et parentum deo et ecclesie sancte Marie de Oseneia atque canonicis ibidem regulariter uiuentibus omnem mei honoris partem ad ecclesiam sancti Georgii pertinentem uidelicet de dominiis meis et tenaturis hominum meorum in domibus in terris in decimis in bosco in plano in pratis et pascuis et in omnibus aliis rebus cum consuetudinibus atque libertatibus quas prefata ecclesia habuit et tenuit melius et honorabilius tempore antecessorum meorum Quare uolo atque firmiter statuo quatinus predicta ecclesia sancte Marie de Oseneia et canonici in ea deo seruientes illam quam prenominaui elemosinam meam teneant et habeant bene et quiete plene et honorifice de me et heredibus meis sicut unquam aliqui melius uel plenius eam tenuerunt tempore meo siue antecessorum meorum Testes Gillebertus cantor de Circestria Hugo Talemas et Robertus Talem[asch] Robertus Hai Willelmus Manseis Willelmus Talem[asch] Robertus de sancto Germ[ano] Willelmus Pecteuin Aluredus de Beneuile Robertus cap[ellanus] de Circestria Willelmus presbiter de Chunt Odo Marchal Petrus Pincerna Alexander Camerarius
Source (click image below to view full size)
