Charter Document - 02621088
| Charter Number: | 02621088 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Court Record |
| Date: | 1277 |
| Date type: | Assigned |
| Resource Link(s): |
Reference Document for this Embedded Document |
Charter:
coram uobis domine iudex nomine procuratorio dicit et proponit procurator religiosorum virorum abbatis et conuentus Oseneye ecclesiam parochialem de Cudelintona in proprios usus optinencium contra Henricum de Camera Iohannem Philippi Adam Attebarre Ricardum cocum Willelmum de Bladene Nicholaum piscatorem Radulphum prepositum et Willelmum Aylun de Cudelintona dicte ecclesie parochianos ac contra quemlibet eorum uel eorum alicuius procuratorem uel defensorem quia cum ipsi omnes et corum quilibet de ortis suis infra limites dicte parochie sitis fructus et de pecoribus lac perceperunt et adhuc percipiant iam omnes et singuli prescripti fructuum dictorum ortorum et dicti lactis a vaccis suis a tempore ablactacionis uitulorum et ab ouibus a tempore separationis agnorum prouenientis decimam quamdiu idem lac durauerit cum integritate ut tenentur dicte ecclesie de Cudelintona et dominis suis predictis soluere contradicunt iniuste Unde probatis premissis uel eorum aliquibus uel aliquo que uel quod dominis suis et sibi sufficere debeant uel debeat ad id quod intendit petit idem procurator omnes et singulos prescriptos ad omnium fructuum de ortis suis proueniencium ac dicti lactis decimam dicte ecclesie de Cudelintona et dominis suis predictis a tempore ablactacionis vitulorum et separacionis agnorum quamdiu idem lac durauerit prout predictum est cum integritate soluendam sententialiter et diffinitiue condempnari et ipsos omnes et singulos sic condempnatos ad ipsius decime solucionem integraliter compelli Petit eciam pro dicta decima per eosdem omnes et singulos dampnabiliter retentas prefate ecclesie de Cudelintona et dominis suis predictis dignam satisfaccionem exiberi una cum expensis in lite factis de facienda pro loco et tempore petendo protestando Protestatur autem dominos suos et se uelle liti cedere quatenus a parte aduersa fore cedendum fuerit ostensum Hic dicit proponit petit et protestatur coniunctim et diuisim non artans dominos suos aut se ad omnia premissa in forma proposita probanda sed quatenus in ea forma uel alia probauerit eatenus optineant domini sui in premissis saluo dominis suis et sibi in omnibus iuris beneficio
Source (click image below to view full size)
