Charter Document - 02620501
| Charter Number: | 02620501 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Agreement, Settlement |
| Date: | 1233 - 1234 |
| Date type: | Assigned |
| Resource Link(s): |
|
Charter:
Omnibus [] Willelmus filius Aumaurici et Sibilla de Karswelle salutem in domino Ad uniuersitatis uestre noticiam uolumus peruenire quod cum inter Iohannem abbatem et conuentum Oseneye ex una parte et nos ex altera orta esset controuersia super piscaria sua in Thamisia iuxta Bamptonam et super limitatione gurgitis sui de Russeya tandem consilio uirorum prudentum omnis contentio amicabiliter conquieuit ita quod nos recognouimus et concessimus pro nobis et heredibus nostris in perpetuum quod prefati abbas et canonici habeant gurgites suos in Thamisia ita bene et plene et libere sicut unquam melius plenius et liberius habuerunt sine impedimento nostro uel heredum nostrorum et quod omnes aperture facte de aqua eorum uersus Bercshyre opturentur sicut solent et debent et quod libere utantur aqua sua secundum antiquam limitationem Thamisie sicut salices super waram aque sue ex parte australi condonant Et insuper dedimus et concessimus predictis canonicis in perpetuum quandam placiam que est inter stagnum gurgitis qui uocatur Lindwere et fossatum Rogeri filii Alani scilicet quandam paruam insulam que est inter diuisas predictas ad faciendum inde quodcunque sibi uiderint expedire siue ad leuandum inde waram stagni sui siue ad aliud quod uoluerint Hanc insulam tenebunt dicti canonici iure hereditario de nobis et heredibus nostris in perpetuum bene et in pace libere et quiete reddendo annuatim sex denarios ad festum sancti Michaelis pro omni seruicio seculari exaccione et demanda et pro omnibus seruiciis que de terra exigi possunt Et nos [] Et ad [] his testibus Engerardo de Cygoni uicecomite Oxon
Source (click image below to view full size)
