Charter Document - 02620404
| Charter Number: | 02620404 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Verdict |
| Date: | 1240 |
| Date type: | Assigned |
| Resource Link(s): |
|
Charter:
In nomine patris et filii et spiritus sancti Amen Visis et intellectis tam originali domini pape quam intencione abbatis et conuentus Oseneye qui decimas petebant a Thoma rectore ecclesie de Byxe Gibewyne de iure communi prouenientes de dimidia hidata terre quam abbas et monachi de Medmeham tenent infra limites ecclesie eorum de Watlintona et audita confessione dicti rectoris super iure dictorum abbatis et conuentus Oseneye quoad dictas decimas auditis eciam racionibus hinc inde propositis tam in iure quam in facto consistentibus nos scilicet B de Caudewelle canonicus et R custos ecclesie beati Pauli Bedeforde subdelegati de Caudewelle et de Graua Priorum ad totam causam reseruata tantum sentencie diffinitiue execucione de consilio uirorum peritorum iuris ordine in omnibus obseruato sentencialiter dictas decimas ecclesie de Watlintona adiudicauimus et ecclesie de Byx abiudicauimus perpetuum silencium rectoribus dicte ecclesie de Byxe Gibewyne imponentes Decernimus eciam dicte sentencie executionem fore demandandam per principales decano de Estona ut ipse dictos abbatem et conuentum Oseneye mittat in possessionem dictarum decimarum et missos tueatur resistentes per censuram ecclesiasticam quociens necesse fuerit compescendo
Source (click image below to view full size)
