Charter Document - 02620292
| Charter Number: | 02620292 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Agreement, Settlement |
| Date: | 1174 |
| Date type: | Assigned |
| Resource Link(s): |
|
Charter:
Notum [] quod controuersia habita inter canonicos de sancta Fredeswyda et canonicos de Oseneya super capella de Forsthulle hac amicabili composicione terminata est Ecclesia de sancta Fredeswitha corpora mortuorum de Forsthulle et diuisas quas ipsi mortui fecerint ecclesie de sancta Fredeswitha integre habebit et de singulis uirgatis de Forsthulle singulas trauas annuatim et de dominio abbatis annonam unius acre medietatem unius acre de hiuernagio et medietatem de tremesio Et preterea annonam dimidie acre uno anno de hiuernagio et altero anno de tremesio Reliquum autem ius omne quod ad ecclesiam suam canonici de sancta Fredeswitha pertinere dicebant ecclesie de Oseneya integre et perfecte et libere reseruatur in omnibus aliis que pertinent ad capellam de Forsthulle Quicunque autem sacerdos auctoritate abbatis in capella predicta ministrabit in sua institucione iurabit coram iudice ecclesiastico se aduersus ecclesiam de sancta Fredeswitha in diuisis et aliis predictis nichil maligne acturum Hec composicio facta est in presencia domini Iohannis Cicestren electi qui ad hanc causam a summo pontifice iudex fuerat delegatus Hiis testibus magistro Iordano decano [Cicestren] magistro Iocelino archidiacono et magistro []co de Rading et magistro Godefrido et magistro [] de Crichelade et multis aliis Valete
Source (click image below to view full size)
