Charter Document - 02620097
| Charter Number: | 02620097 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Agreement, Grant |
| Date: | 1216 - 1217 |
| Date type: | Assigned |
| Resource Link(s): |
|
Charter:
Uniuersis sancte matris ecclesie filiis ad quos presentes littere peruenerint W dei gracia Eborac archiepiscopus Anglie primas et magister R de Warham Officialis Norwic et magister R Archidiaconus de Gypewic salutem in domino Nouerit uniuersitas uestra Iohannem de Gray bone memorie quondam Norwic episcopum quendam boscum qui vocatur Coggeswode ad villam de Kedelintona quondam pertinentem et ecclesiam de Suerefordia cum capella de Seuewell et pertinenciis suis que predictus episcopus ex donacione domini Henrici de Oylly consecutus est ecclesie sancte Marie de Oseneya et canonicis ibidem deo seruientibus pro salute anime sue in ultima sua uoluntate reliquisse Nos autem cum in predicti episcopi testamento executores dati fuerimus ipsis canonicis predictum boscum et dictam ecclesiam cum capella et pertinenciis secundum quod officium nostre execucionis exigebat assignauimus Ne autem huius rei ueritas successu temporis possit in dubium deuocari nos predictorum assignacionem prefatis canonicis a nobis factam in scripturam redegimus quam sigillorum nostrorum apposicione dignum duximus corroborare
Source (click image below to view full size)
