Charter Document - 02620087

Acta in ecclesia conuentuali sancte Frideswithe Oxon in uigilia beate Marie Magdalene anno domini millesimo ducentesimo septuagesimo tercio coram nobis officiali domini archidiaconi Oxon iurisdictione ordinaria cognoscente in causa que super quodam mortuario uertitur inter religiosos uiros abbatem et conuentum Oseneye actores per fratrem Rogerum de Waldis eiusdem loci canonicum procuratorem suum legitime constitutum comparentes ex parte una et Robertum Synat Thomam le Yenge et Matild relictam Radulphi le Frensche de Throp executores testamenti eiusdem Radulphi defuncti reos personaliter comparentes ex altera videlicet cum constaret nobis dictos reos ad eosdem them et locum legittime et peremptorie fuisse uocatos dictorum religiosorum procurator antedictus contra eosdem reos intencionem suam nomine dominorum suorum proposuit in hunc modum coram uobis domine ludex ego frater Rogerus de Waldis procurator abbatis et conuentus Oseneye ecclesiam de Cudelintona pleno iure tenencium et eiusdem ecclesie rectorum nomine dominorum meorum dico et propono contra Robertum Synat Thomam le Yenge et Matild relictam Radulphi le Frensche de Throp quondam parochiani dicte ecclesie de Cudelintona executores testamenti eiusdem Radulphi defuncti quod cum ex pia et laudabili consuetudine in dicte ecclesie parochia totali obseruata a tempore cuius non exstat memoria sit optentum quod pro hominibus fol in dicta parochia decedentibus secundum melius auerium suum fuerit equus seu cuiuscunque alterius generis animal quod die mortis sue optinuit dicte ecclesie et dominis meis nomine mortuarii persoluatur iam dicti executores dictam consuetudinem contempnentes pro prefato Radulpho de Throp dicte ecclesie parochiano in eiusdem ecclesie parochia decedente secundum melius auerium suum quod tempore mortis optinuit nomine mortuarii prestare contradicunt iniuste Quare nomine dominorum meorum peto dictos executores ad predictum auerium cuiuscunque generis animal fuerit dicte ecclesie de Cudelintona et dominis meis antedictis secundum prefatam consuetudinem nomine mortuarii prestandum sententialiter et diffinitiue condempnari et eosdem executores sic condempnatos ad dicti auerii nomine mortuarii prestacionem per censuram ecclesiasticam compelli [] Ad quam quidem intencionem prefati executores litem contestati sunt dicentes narrata in dicta intencione prout narrantur vera non esse et ideo petita prout in eadem petuntur fieri non debere ad sui quoque liberacionem adicientes predictam consuetudinem non de equis sed de aliis animalibus obseruatam et optentam Et partibus hinc inde de ueritate dicenda iuratis dicti executores iurati negarunt ut prius Quare dicta pars actrix ad prenotatam intencionem suam fundandam quatuor testes produxit scilicet Willelmum rectorem ecclesie de Wyuelecote Rogerum uicarium de Cudelintona Thomam diaconum de eadem et Willelmum de Hamptona quibus receptis iuratis examinatis et eorum dictis de consensu parcium publicatis habitaque altercacione super eisdem inter partes de earundem parcium consensu in dicta causa concludentes ad diffinitiuam sentenciam processimus in hunc modum in nomine domini Amen Nos officialis domini archidiaconi Oxon auditis et intellectis dicte cause meritis quia dictorum abbatis et conuentus Oseneye procuratorisque sui prenominati intencionem suprascriptam per dictorum testium deposiciones plene probatam esse comperimus et fundatam dictos executores ad predictum auerium fuerit equus seu cuiuscunque alterius generis animal dicti Radulphi defuncti quod tempore mortis sue optinuit pro eodem Radulpho dicte ecclesie parochiano et in eiusdem ecclesie parochia defuncto dicte ecclesie de Cudelintona prefatis religiosis et eorundem procuratori suo nomine secundum prefatam consuetudinem nomine mortuarii prestandum sententialiter et diffinitiue in scriptis condempnamus ac eosdem sic condempnatos ad dicti auerii nomine mortuarii prestacionem per uicarium de Cudelintona censura ecclesiastica quacunque fore compellendos pronunciantes istius sentencie execucionem eidem uicario committendo contradictores et rebelles si quos inuenerit simili censura fore compescendos per eundem vicarium nichilominus presenti pagina eidem demandando In cuius rei testimonium sigillum Officialitatis Oxon presentibus duximus apponendum Data loco die et anno prenotatis