Charter Document - 02620069
| Charter Number: | 02620069 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1220 - 1221 |
| Date type: | Assigned |
| Resource Link(s): |
|
Charter:
Uniuersis [] Simon dictus prior sancte Frideswithe et eiusdem loci conuentus salutem in Domino Nouerit uniuersitas uestra nos quietam clamasse et omnino remisisse domino abbati et conuentui Oseneie sectam hominum suorum in Eatona et Cudeslowe presencium et futurorum quam sectam consueuerant facere ab antiquo molendino nostro quod uocatur molendinium Hulc siue ex gracia siue ex debito nec unquam obtentu antique consuetudinis aliquid in eorum molitura uendicabimus nec de dominico predictorum domini abbatis et conuentus et quicquid iuris habuimus in predicta molitura ipsorum uel predictorum hominum suorum remisimus imperpetuum sine reclamacione Si autem aliquando placuerit predictis domino abbati et conuentui Oseneie familiam proprie curie sue de Eatona siue homines suos causa molendi ad molendinum nostrum accedere nullius secte debitum huiusmodi occasione exigemus siue uendicabimus a predictis familia siue hominibus Pro hac autem renunciacione et quieta clamacione remiserunt nobis predicti dominus abbas et conuentus duos solidos quos eisdem soluimus annuatim pro quibusdam decimis de Elsefeld ab antiquo Persoluent eciam nobis predicti dominus abbas et conuentus Osen dimidiam marcam argenti in festo sancti Michaelis Hec autem ex utraque parte tam fideliter quam efficaciter obseruanda firmiter promisimus sine dolo uel cauillacione aliqua Et ut hec conuencio inter nos inita rata permaneat et inconcussa presentis scripti munimine et sigilli nostri apposicione corroborauimus His testibus Viuiano filio Radulphi tunc temporis uicecomite Oxon Radulfo Hareng Radulfo filio Gaufridi Willelmo de Herouille Mattheo de Bigstrope Fulcone de Ruicot Ricardo de Parco Willelmo de Luuekenor magistro Iohanne de Ramesbre Henrico filio Simeonis Philippo filio Roberti de Oxon Roberto Oein Gaufrido Aurifabro Roberto le Bel et multis aliis
Source (click image below to view full size)
