Charter Document - 02620062
| Charter Number: | 02620062 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1147 |
| Date type: | Assigned |
| Resource Link(s): |
|
Charter:
Notum sit cunctis fidelibus sancte ecclesie tam presentibus quam futuris quod nos ciues Oxenefordie de communi ciuitatis et de gilda mercatorum pro stabilitate tocius regni et statu et incolumitate regis nostri et regine et filiorum suorum necnon et pro nostra salute omniumque nostrorum et pro animabus patrum nostrorum et matrum et omnium antecessorum nostrorum damus et concedimus in perpetuam elemosinam ecclesie dei et sancte Marie de Oseneia et canonicis ibidem deo seruientibus insulam nostram que uocatur Middeleya cum omnibus ad se pertinentibus in terris et pratis et pasturis cum omnibus eisdem libertatibus et consuetudinibus quas ibi antecessores nostri habuerunt liberalibus concessionibus regum et nos post ipsos ita tamen ut singulis annis reddant ipsi canonici dimidiam marcam argenti pro hac eadem tenura ubi nos iusserimus Hanc donacionem et concessionem fecimus communi assensu in portmanmot et hanc eandem fecimus in capitulo de Oseneia coram canonicis eiusdem loci et in presentia Willelmi de Cheneto aldermanni nostri et per eum et postea cum ipso supra altare cum textu obtulimus De hac donacione et concessione est testis Euerardus abbas de Thama []
Source (click image below to view full size)
