Charter Document - 02620045

Omnibus [] Prior Lanton archidiaconus et decanus Glouernie salutem in domino Noveritis uniuersitas uestra quod cum per varias litteras coram nobis et coram Abbate et Priore et decano Abbendon ex deleg[atione] domini pape Honorii tercii uerteretur causa inter dominum A abbatem et conuentum Eyneshamie ex una parte et dominum R abbatem et conuentum Oseneye ex altera parte super decimis feni dictorum monachorum de pratis eorum iuxta Oseneyam iacentibus et super quodam annuo redditu sex solidorum pro firma fol decimarum dictorum canonicorum de Kersintona et super pena quadraginta solidorum et super interesse eorundem canonicorum racione cuiusdam cause contra moniales de Wrokeshall et super conuiciis quibusdam tandem post multas altercaciones super omnibus prefatis mutuis peticionibus et quibuscunque iniuriis usque ad tempus confeccionis huius scripture motis lites inter dictas domus ita amicabiliter conquieuerunt uidelicet quod dicti abbas et conuentus Eynesham concesserunt et tradiderunt dictis Abbati et conuentui Oseneye totum pratum suum de Bulestake cum duobus hammis iacentibus retro curiam Oseneye uersus austrum tenend de eis et habend nomine perpetue firme pro uiginti et quatuor solidis annuatim in hunc modum soluendis scilicet quinque solidis capitali domino de Hedendona ad terminum sancti johannis Baptiste et sex solidis per relaxacionem quam fecerunt dicti canonici dictis monachis super illis sex solidis quibus eis tenebantur ipsi monachi pro dictis decimis de Kersintona pro solutis habitis tresdecim uero residuos solidos ad festum sancte Margarete apud Oseneyam sacriste de Eynesham vel certo eius nuncio dicti canonici annuatim sine condicione et cauillacione persoluent Et insuper ipsi canonici sustinere debent onus consuete mercedis messarii dicti prati Dicti autem monachi tenentur ad warentizacionem dicte firme Utraque eciam pars subiecit se bona fide iurisdiccioni nostre de consensu perpetuate ad compellendum eandem per censuram ecclesiasticam appellacione remota ad obseruacionem predictorum nil obstante composicione inter dictas partes alias super dictis decimis facta que tamen in reliquis articulis in eadem composicione contentis in sua firmitate permanebit Ut autem hec composicio rata et stabilis in perpetuum permaneat eam partes una cum sigillis nostris sigillis suis roborauerunt Acta sunt hec apud Oxoniam in ecclesia sancte Marie feria tercia proxima post festum translacionis sancti Benedicti anno Incarnacionis domini millesimo ducentesimo vicesimo sexto coram magistro Rogero de Cantelupo et Reginaldo Capellano ecclesie sancti Aldati Oxon subdelegatis nostris quorum factum auctoritate apostolica confirmauimus Hiis testibus Simone de Hintone Ricardo suppriore Eynesham et Willelmo de Mora []