Charter Document - 02620034
| Charter Number: | 02620034 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1129 - 1142 |
| Date type: | Assigned |
| Resource Link(s): |
Reference Document for this Embedded Document |
Charter:
Nouerint uniuersi Cristiani quod ego Robertus de Olleio concessi et hac presenti carta confirmaui deo et ecclesie sancte Marie de Oseneya et canonicis ibidem deo seruientibus pro salute mea et Edithe uxoris mee et parentum et amicorum meorum in liberam puram et perpetuam elemosinam omnes terras redditus decimas tenementa et possessiones tam laicas quam ecclesiasticas quas habent de dono meo et de donis hominum meorum et que de me uel heredibus meis aut hominibus meis perquirere poterunt temporibus futuris in omnibus maneriis meis cum omnibus libertatibus et liberis consuetudinibus quas ego unquam habui vel aliquis antecessorum meorum vel perquirere potero Et concessi eis pro me et heredibus meis quod habeant curiam eorum in perpetuum liberam in omnibus maneriis meis de omnibus hominibus suis pro omnimodis transgressionibus uel defaltis ubicumque et quandocunque et undecumque euenerint et quod ipsi et eorum homines quieti sint in perpetuum de omnimodis curie mee sectis et de secta molendinorum meorum et de omnibus aliis sectis auxiliis et demandis excepta iusticia mortis et membrorum que in curiis meis fieri consueuit Et si pro fuga aut felonia quispiam ex eorum hominibus catalla sua perdere debeat ipsorum canonicorum erunt siue ullo retine mento michi vel heredibus meis [Et si animalia seu catalla in terris aut tenementis ipsorum canonicorum vel eorum tenencium fuerint inuenta vel arestata concedo pro me et heredibus meis dictis canonicis et eorum successoribus quicquid inde michi vel alicui ex meis aliquo jure accidere potuit vel poterit in perpetuum] Similiter si ipsi aut eorum homines amaricati fuerint erga me uel heredes meos seu balliuos meos aut meos homines pro quacunque causa delicto vel forisfacto omnes mercia et merciamenta et omnes fines et omnia comoda et omnes exitus placitorum