Charter Document - 02619036
| Charter Number: | 02619036 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1277 - 1280 |
| Date type: | Assigned |
| Resource Link(s): |
|
Charter:
Nicolaus [] salutem [] Cum a uobis petitur [] Sane pro parte vestra nobis nuper exhibita peticio continebat quod olim inter vos ex una necnon Iacobum lob rectorem parochialis ecclesie de Myxebury Lincolniensis dioecesis ex altera partibus super decimis siue iure decimanda in certis villis et locis tunc expressis ac solutione cuiusdam annue pensionis etiam tunc expresse rectori dicte ecclesie pro tempore existenti facienda necnon certis aliis orta materia questionis tandem vos ac ipse Iacobus talem super hiis concordiam et amicabilem compositionem acceptastis videlicet quod Iacobus predictus qui tunc certe pasture [sibi] ratione prefate ecclesie competenti necnon iuri desuper renuntiavit ac vos inde quietavit et successores sui pro tempore existentes ipsius ecclesie rectores perpetuis temporibus omnes et singulas integras decimas de Fullewelheth alias le Breche de Brondlond ac duas de Castellond et totidem partes decimarum de Wilaston terris infra limites parochie dicte ecclesie consistentibus et ad monasterium vestrum spectantibus provenientes reservatis tamen vobis et eidem monasterio de lanis lacte fetu et nutrimentis animalium infra parochiam huiusmodi pascendorum decimis percipere leuare et habere necnon universas et singulas utriusque sexus personas infra parochiam parochialis ecclesie sancti Michaelis Fullewell eiusdem dioecesis commorantes ad audiendum missas et alia divina in ecclesia de Mixebury predicta singulis horis ac temporibus congruis recipere et admittere necnon eis quotiens oportunum foret singula ecclesiastica sacramenta et sacramentalia sicut aliis ibidem personis ministrare et si commorantium predictorum aliquem graviter infirmari seu quominus ipsam ecclesiam de Mixebury pro huiusmodi sacramentis et sacramentalibus accedere valeret impedimenta legitimo detineri contigerit extunc illi infra parochiam ecclesie de Fullewell huiusmodi quodcumque tunc oportunum sacramentum ecclesiasticum in ipsa parochia de Fullewell exceptis dumtaxat ecclesiastica sepultura necnon purificatione mulierum et baptismate parvulorum ministrare deberent ac vos eis ratione cuiusdam compositionis antique pensionem annuam quadraginta solidorum singulis annis persolvere [minime in futurum] tenemini diversis hinc inde desuper factis promissionibus prout in instrumento publico desuper confecto plenius dicitur contineri necnon in illo contenta ordinaria fuerint auctoritate confirmata pariter et approbata Nos itaque vestris in hac parte supplicationibus inclinati concordiam compositionem et contenta huiusmodi prout iuste facta fuerint rata et grata habentes ea auctoritate apostolica confirmamus et presentis scripti patrocinio communimus Nulli ergo []