Charter Document - 02619015
| Charter Number: | 02619015 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1145 - 1149 |
| Date type: | Assigned |
| Resource Link(s): |
|
Charter:
Eugenius episcopus seruus seruorum dei dilectis filiis Gualtero preposito ecclesie sancti Georgii de Oxenfordia eiusque fratribus tam presentibus quam futuris salutem [] Pie postulacio voluntatis effectu debet prosequente compleri quatinus et deuotionis sinceritas laudabiliter enitescat et utilitas postulata vires indubitanter assumat Ea propter dilecti in domino filii vestris iustis postulacionibus clementer annuimus et prefatam ecclesiam in qua diuino mancipati estis obsequio sub beati Petri et nostra protectione suscipimus et presentis scripti priuilegio communimus statuentes ut quascunque possessiones quecunque bona in presentiarum iuste ac canonice possidetis aut in futurum concessione pontificum liberalitate regum largitione principum oblatione fidelium seu aliis iustis modis prestante domino poteritis adipisci firma vobis vestrisque successoribus et illibata permaneant In quibus hec propriis duximus exprimenda vocabulis quicquid terre et iuris habetis in Ciuitate Oxenefordie infra portas et extra ecclesiam sancte Marie Magdalene in Waltona tres hidas terre cum pertinenciis suis et totam decimam eiusdem terre in Cudeslawa duas hidas terre cum hominibus in Coueleia duas hidas terre cum hominibus et pratis in Ernicota duas hidas terre cum silua et omnibus pertinentiis suis terram Stowie cum pertinentiis suis Wurtonam et unam hidam terre cum pertinenciis in Sandford duas partes decime de omni re que decimari solet de omnibus dominiis utriusque honoris qui adiacent Castello Oxenefordie sicut erant dominia tempore Roberti de Olly et Rogerii de Iureio qui fundauerunt ecclesiam sancti Georgii in Hochenortona cum una uirgata terre in Cudelingtona in Bernecestria in Harewella cum manso uno in Watlintona in Erdintona in Bettintona in Burtona in Aissia in Peri in Wlgaricota totam decimam de dominio in Bekleia duas partes decime de tota uilla duas partes decime de dominio in Tiwa in Wica in Erdulwesleia in Haifordia in Hamtona Gaitorum in Fullewella in Tropia in Berford in Skereburna de utraque curte in Tettebirea in Garingis in Withulla in Torrentona in Chenicota in Nortona in Kersintona de una hida in Horspada in Hensintona in Ludewella in Tropia in Rothulwesham de utraque curte in Belecesdona in Westona in Bukeshulla in Stretford in Westberia in Torneberga in Westona Radulfi cognati in Tretona in Risendona in Haurugia in Scaldestona in Colestona in Messewurda in Eura in Ledecumba in Clopham iuxta Bedford totam decimam de dominio in Dukelindona et in Tropia in Bertona decimam unius hide in Hokenortona decimam unius hide que ad preposituram vestre ecclesie pertinet preterea racionabiles vestre ecclesie consuetudines sicut eas hactenus in pace habuistis et tenuistis vobis in perpetuum confirmamus Decernimus ergo ut nulli omnino []