Charter Document - 02619003
| Charter Number: | 02619003 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1254 - 1261 |
| Date type: | Assigned |
| Resource Link(s): |
|
Charter:
Alexander [] dilectis filiis Abbati et canonicis ecclesie sancte Marie de Oseneia salutem et apostolicam benedictionem Quod a uiris religiosis ad honorem dei et ecclesiastice honestatis decorem recte et laudabiliter ordinatur carius est amplectendum et ut proprio robore gaudeant firmitatis nec alicuius valeant presumptione turbari diligenti studio laborandum Ea propter dilecti in domino filii vestris votis et desideriis in his que consonant equitati benignius annuentes constitucionem quam ad religionis custodiam communi assensu et provida circumspectione fecistis sicut a communitate capituli suscepta est et ut obseruatur et in autentico scripto inde facto habetur auctoritate apostolica confirmamus et ratum in posterum manere facimus statuentes vt liceat vobis in eadem constitucione quod ad regularis obseruancie augmentum et rei communis commoditatem spectare noscatur communi assensu vel maioris et sanioris partis addere vel mutare si quid fuerit mutandum Nulli ergo omnino hominum liceat hanc paginam nostre confirmacionis et constitucionis infringere vel ei ausu temerario contraire Si quis autem hoc attemptare presumpserit indignationem omnipotentis dei et beatorum Petri et Pauli apostolorum eius se noverit incursurum