Charter Document - 02619001

Gregorius episcopus servus servorum dei dilectis filiis abbati ecclesie sancte Marie de Oseneya eiusque fratribus tam presentibus quam futuris regularem vitam professis in perpetuum Quoties a nobis petitur quod religioni et honestati conuenire dinoscimur animo nos decet libenti concedere ac petencium desideriis congruum suffragium impertire Ea propter dilecti in domino filii vestris iustis postulacionibus clementer annuimus et ecclesiam sancte Marie de Oseneia in qua diuino estis obsequio mancipati sub beati Petri et nostra protectione suscipimus et presentis scripti priuilegio communimus in primis siquidem statuentes ut ordo canonicus qui secundum deum et beati Augustini regulam in eadem ecclesia institutus esse dinoscitur perpetuis ibidem temporibus inuiolabiliter obseruetur Preterea quascunque possessiones quecunque bona eadem ecclesia impresentiarum iuste ac canonice possidet aut in futurum concessione pontificum largitione regum vel principum oblatione fidelium seu aliis iustis modis prestante domino poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis locumque ipsum in quo prefata ecclesia sita est cum omnibus pertinenciis suis ecclesiam sancti Georgii que sita est in Castello Oxenefordie cum possessionibus reditibus et omnibus aliis iuribus et pertinenciis suis sancte Marie Magdalene de Stowe et de Couele ecclesias cum pertinenciis earundem de Hokenorton de Weston de Kudelinton de Watlinton de Hampton Gaytorum de Cesterton de Cleyidon de Stanes cum capella de Suthkote de Waterpery et de Beburi ecclesias cum capellis decimis terris possessionibus hominibus et omnibus aliis iuribus et pertinenciis suis de Turkeden de Risendon de Schenastan de Barton de Sanford de Ledwell de Kilteuenan ecclesias cum capellis et omnibus aliis pertinenciis suis de Burton de Forsthulle sancti Leonardi de Fres et sancti Thome Martiris ante ianuam curie vestre de Oseneia capellas cum omnibus iuribus et pertinenciis suis duas partes [decimarum] de dominico subscriptorum maneriorum videlicet Hokenorton Kudlinton Bernecestre Harrwell Watlinton Erdinton Betrinton Ledecombe Burton Assia Peri Tywe Wike Erdulfesley Heyforde Hampton Gaytorum Fulewell Trop Bereford Sherburne de utraque curia Tetterbiria Cherinton Haseldon Hampton Wichthull Thorenton Kenicote Norton Horspath Hensyngton Ledewell Rodoluesham de utraque curia Blekesdon Weston Bukkehull Stratford Westbury Thorneburia Wigentone Suereforde Garinges Estcote de feudo quod pertinet ad Castellum Oxonie Leges Schaldeston Elsefelde Herdewic Turismer Cranforde Tanforde Treton Turky[n]ton Risendon Mixebury Wilhaweston cum Radeclyue Scheneston Bampton Haurug Coleston Messeworde Clopham Dukelinton et Trop in Berton decimam unius hide et dimidie in Wolgulcote totam decimam de dominio Bolikyll duas partes decimarum de tota uilla Kensinton decimam unius hide Baldendon decimam de tribus hidis Hessinton de tribus hidis et de molendino ac etiam decimas de tota villa [de Acle] item quicquid habetis intus vel extra Oxenfordiam in Waltona tres hidas terre et totam decimam ipsius terre cum omnibus pertinentiis suis in Cudislawe tres hidas terre in Couele duas hidas terre cum hominibus et pratis in Ernicote duas hidas terre cum silua et omnibus pertinenciis suis terram Stowie cum pertinentiis suis in Morton duas hidas terram de Wortone et unam hidam de Sanforde item manerium de Weston cum capitali curia bosco et molendino et omnibus pertinenciis suis que habetis ex dono Henrici de Oylye apud Hanburg hidam terre que fuit quondam Alicie regine Anglie quam habetis ex dono clare memorie Matildis et confirmatione Henrici filii eius regis Anglie et quatuor uirgatas terre cum acris prati spectantibus ad easdem et campum iuxta pontem de Bladon cum prato subiacente cum uno gurgite et aqua iuxta fluente apud Holecumbe carucatam terre quam tenuit Gelardus de Acie inter terram Mauricii Angeuin et terram de Calgraue cum pratis pascuis et omnibus pertinenciis suis quartam partem de Turkeden cum capitali curia et aliis pertinentiis suis que habetis ex dono Paulini de Taydon ex dono Iohannis de sancto Iohanne clerici molendinum et totam terram quam habuit in villa de Berton et tres domos in Cast[ro] Oxonie ex dono Thome de sancto Walerico manerium de Mixbury cum omnibus pertinentiis suis messuagium terram et pratum que tenuit Adam Pontorius de Fres ex dono Alelmi militis quicquid habuit in Fulewel ex dono W[illelmi] militis ville de Hampton molendinum eiusdem ville cum pertinentiis suis ex dono Roberti de Gayte militis quicquid idem habuit in villa de Hampton Gaytorum ex dono Henrici Huse militis totam terram quam habuit in villa de Upton cum pertinenciis suis ex dono Ricardi de Dodford decem acras in parochia de Stowe ex dono Iacobi de Fauflor quicquid idem habuit in villa Hokenorton item in Hibernia ex dono Rogeri de Wurcestre apud villam Kilteuenan duodecim acras cum uno messuagio in eadem villa et sede molend[inorum] et le rath et tercio denario omnium prouentuum de Kilteuenan et medietatem de Sidan pro duobus hidis ex dono Ricardi de Brutoll illam meram que dicitur Hu[n]kemore et terram ultra aquam de Lennour cum bosco et aliis pertinenciis suis capellam de Balibrenan ex dono Iord[ani] de Elysbury domum quam ipse inhabitauit apud Oxoniam ex dono Hugonis de Tywe terram de Forsthull et de Burton et de utraque Stanhale cum omnibus pertinentiis suis necnon et possessions illas cum pratis terris nemoribus usuagiis et pascuis in bosco et plano in aquis et molendinis in uiis et semitis et omnibus aliis libertatibus et immunitatibus suis sane noualium uestrorum que propriis manibus aut sumptibus colitis de quibus aliquis decimas hactenus vel aliquid decimarum nomine non percepit seu de vestrorum animalium nutrimentis nullus a uobis decimas exigere vel extorquere presumat liceat quoque vobis clericos vel laicos liberos et absolutos e seculo fugientes ad conuersionem recipere ac eos absque contradictione aliqua retinere Prohibemus insuper ut nulli fratrum vestrorum post factam in ecclesia vestra professionem fas sit sine abbatis sui licentia nisi arcioris religionis obtentu de eadem discedere discedentem uero absque communium literarum uestrarum cautione nullus audeat retinere Cum autem generale interdictum terre fuerit liceat vobis clausis ianuis excommunicatis et interdictis exclusis non pulsatis campanis suppressa voce diuina officia celebrare dummodo causam non dederitis interdicto crisma uero oleum sanctum consecraciones altarium seu basilicarum ordinaciones clericorum qui ad sacros fuerint ordines promouendi a diocesano suscipietis episcopo siquidem catholicus fuerit et graciam et communionem sacrosancte Romane sedis habuerit et ea vobis voluerit sine pravitate aliqua exhibere Prohibemus preterea ut infra fines parrochie vestre nullus sine assensu diocesani episcopi et vestro capellam seu oratorium construere audeat saluis priuilegiis pontificum Romanorum Ad hec nouas et indebitas exactiones ab archiepiscopis episcopis archidiaconis seu decanis aliisque omnibus ecclesiasticis secularibusue personis a vobis omnino fieri prohibemus Sepulturam quoque ipsius loci liberam esse decernimus ut eorum deuocioni et extreme voluntati qui se illic sepeliri delib[er]averint nisi excommunicati vel interdicti aut etiam publice usurarii fuerint nullus obsistat salua tamen iusticia ecclesiarum illarum a quibus assumuntur corpora mortuorum Decimas preterea et possessiones ad ius ecclesiarum vestrarum spectantes que a laicis detinentur redimendi et legitime liberandi de manibus eorum et ad ecclesias ad quas pertinent reuocandi libera sit vobis de nostra auctoritate facultas Obeunte uero te nunc eiusdem loci Abbate vel tuorum quolibet successorum nullus ibi qualibet susceptionis astucia seu violencia preponatur nisi quem fratres communi consensu vel fratrum maior pars consilii sanioris secundum deum et beati Augustini regulam prouiderint eligendum Paci quoque et tranquillitati uestre paterna in posterum sollicitudine prouidere uolentes auctoritate apostolica prohibemus ut infra clausuras locorum seu grangiarum vestrarum nullus rapinam seu furtum facere ignem apponere sanguinem fundere hominem temere capere vel interficere seu violentiam audeat excercere Preterea omnes libertates et immunitates a predecessoribus nostris Romanis pontificibus ordini vestro concessas necnon libertates et exemtiones secularium exactionum a regibus et principibus uel aliis fidelibus rationabiliter uobis indultas auctoritate apostolica confirmamus et presentis scripti priuilegio communimus Decernimus ergo ut nulli omnino hominum liceat prefatam ecclesiam temere perturbare aut eius possessiones auferre vel ablatas retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentacione sunt usibus omnimodis profutura salua sedis apostolice auctoritate ac diocesanorum episcoporum canonica iusticia Si qua igitur in futurum ecclesiastica secularisve persona hanc nostre constitutions paginam sciens contra eam temere venire temptaverit secundo tercioue monita nisi reatum suum congrua satisfactione correxerit potestatis honorisque sui careat dignitate reamque se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu Cristi aliena fiat atque in extremo examine districte subiaceat ultioni Cunctis autem eidem loco sua iura seruantibus sit pax domini nostri Ihesu Cristi quatenus et hic fructum bone actionis percipiant et apud districtum iudicem premia eterne pacis inueniant Amen Amen Amen