Charter Document - 02611268
| Charter Number: | 02611268 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Guarantee |
| Date: | 1280 - 1286 |
| Date type: | Assigned |
| Resource Link(s): |
|
Charter:
Omnibus [] W de M salutem in domino sempiternam Nouerit uniuersitas uestra quod cum dilecti amici mei in Cristo domini abbas et conuentus de Oseneya iuxta Oxoniam michi gratanter et gratiose concesserunt aisiamenta domorum suarum viz refectorii claustri et aliarum necessariarum infra septa monasterii sui ad faciendam solemnitatem festi inceptionis mee et eiusdem preparationem uolens ut teneor ipsorum et monasterii sui indemnitati omnimodis prouidere promitto sub stipulatione legitima per presentes quod si ex quorumcunque malitia quod absit uel ex quocunque infortunio quod auertat deus quodcunque damnum prouenerit eisdem abbati et conuentui et eorum monasterio in domibus aut rebus aliis quibuscunque occasione inceptionis seu festi uel preparationis predicte de dictis damnis et expensis seu misis si forte aliquas incurrerint occasione dictorum damnorum eisdem abbati et conuentui et eorum successoribus secundum uisum legalium uirorum tam ex parte religiosorum quam mea communiter electorum satisfaciam in omnimodis competenter Ad quam quidem satisfactionem plenarie faciendam obligo me et executores meos si de me humanitus contigerit ac omnia bona mea mobilia et immobilia tam spiritualia quam temporalia presentia et futura districtioni domini regis aut suorum balliuorum quorumcunque necnon spiritualia cohercioni domini Londoniensis episcopi uel aliorum quorumcunque sub quorum districtu bona mea consistunt quod possint seu possit eorum quilibet me aut executores meos ad satisfactionem ut premittitur plenarie tam in dampno principali quam accessoriis faciendam compellere et modo quolibet cohercere eciam iuris ordine non seruato renuntians in hac parte omni excepcioni cauillacioni regie prohibicioni et omni remedio iuris tam canonici quam ciuilis per quod dicta satisfactio impediri ualeat quomodo libet vel differri Et ad maiorem si necesse fuerit securitatem inueni eisdem religiosis fideiussores uidelicet dominos N de K W Lespicer H O N de Co I Cul et I B qui una mecum et in mei defectum se ad omnia premissa constituerunt principaliter debitores Et in premissorum omnium testimonium tam ego q[uam fideiussores mei] sigilla nostra apposuimus