Charter Document - 02562002

Omnibus Christi fidelibus ad quos presens scriptum pervenerit Adam dei gratia abbas Radingensis eiusdemque loci conventus eternam in domino salutem Noverit universitas vestra nos divine pietatis intuitu ad instantiam Galfridi Martell militis concessisse dicto Galfrido et heredibus suis in perpetuum celebrationem divinorum in capella dicti Galfridi que constructa est in feodo suo quod est in parochia de Burghulbury faciendam per vicarium nostrum de Burghulbury vel per alium assignatum suum sub hac forma videlicet quod dictus vicarius vel eius assignatus celebrabit divina in dicta capella qualibet die dominica [et]d omni quarta et sexta feria et si dies feriandus generaliter contigerit in aliis diebus in ebdomada et maluerit Galfridus Martell vel heredes sui in illo die feriato divina sibi celebrari quam in quarta vel sexta feria pro quarta vel sexta feria computabitur sin due festivitates feriande in una ebdomada evenerint tunc preter tres dies consuetos vicarius noster vel ejus attornatus in una earum ibidem divina celebrabit Preterea concedimus quod vicarius noster vel ejus assignatus in dicta capella plenarium servitium in nocte et die Omnium Sanctorum faciat et in nocte et in die Natalis domini Purificationis beate Marie et Pasce Debet autem dictus Galfridus et heredes sui si ibi fuerint et familia sua et tenentes sui venire ad matricem ecclesiam de Burghulbury per tres dies solemnes in anno scilicet in die dedicationis ecclesie in die Pentecostes et in die Assumptionis beate Marie Dedit autem dictus Galfridus miles in liberam puram et perpetuam elemosinam ecclesie de Burghulbury ad sustentationem capellani deservientis in dicta capella novem acras in terra sua in Burghulbury que vocatur Labreche Kine Wardelhach Et Ricardus de Stanford similiter dedit unam acram de libero tenemento suo quod tenet de predicto Galfrido per chartam in eadem cultura Concessit etiam dictus Galfridus miles dicte ecclesie de Burghulbury decima litatum molendinorum piscationum gardianorum et omnes alias minutas decimas quas antea non dedit Concessit etiam dictus Galfridus in perpetuum ecclesie de Burghulbury et vicario nostro ibidem de servienti annuatim unum quartarium de frumento et unum quartarium de mestillone de grangia sua de Burghulbury solvend[a] ad festum sancti Andree contra Natale ad sustentationem capellani de servientis in capella sua Et ut hec concessio nostra stabiliat et perpetuam habeat firmitatem eam presentis scripti testimonio et sigillorum nostrorum appositione roboravimus His testibus Roberto rectore ecclesie de Thacham Jacobo vicario ecclesie sancti Egidii Radingensis Ricardo vicario ecclesie beati Laurentii Martino capellano ecclesie beate Marie Radingensis Willelmo clerico nostro Willelmo de Englefeld Rogero de Hyda Roberto de Cunerl Roberto de Burgfeld Roberto de Uffintone Johanne de Hola Rogero de Whitechurch Simone de Waya Roberto filio Adame de Thacham et multis aliis []