Charter Document - 02562001

Universis Christi fidelibus ad quos presens scriptum pervenerit frater H[ugo] Rading[ensis] ecclesie minister humilis et eiusdem loci conventus eternam in domino salutem Noverit universitas vestra quod cum inter nos et B[artholomeum] capellanum de Burkilleb[er]i super ecclesia eiusdem ville quam ei contulit venerabilis memorie abbas Ioseph controversia verteretur predictus B[artholomeus] capellanus de consilio iudicum nobis et sibi a domino papa delegatorum et amicorum suorum prefatam ecclesiam in manus officialium Sar[esburiensium] et nostras ex toto resignavit Nos vero ad petitionem predictorum iudicum et aliorum familiarium prefati B[artholomei] et propter pristinam educationem eiusdem ei predictam ecclesiam in perpetuam elemosinam concessimus cum omnibus pertinentiis suis et decimis quas in initio prime donationis percepit retentis nobis decimis quas habuimus tempore sue prime institutionis excepta capella G[ilberti] Martel cum omnibus pertinentiis et decimationibus suis tam maioribus quam minoribus et cum omnibus obventionibus suis et cum omni iure suo quam quidem coram prefatis iudicibus in manus officialium Sar[esburiensium] et nostras ex integro resignavit et abiuravit Persolvet autem prefatus B[artholomeus] ecclesie Rading[ensi] de predicta ecclesia annuatim xxx solidos ad duos terminos videlicet infra octavas sancti Michaelis xv solidos et infra octavas Pasche xv solidos Erit autem predicta donatio rata et stabilis quam diu predictum censum bene reddiderit et ecclesie Rading[ensi] fidelis extiterit Iuravit insuper predictus B[artholomeus] coram nobis in capitulo quod predictam conventionem ex parte sua in omnibus servabit illesam Hiis testibus magistro Symone de Scal[is] magistro Iohanne de Tinem[ue] magistro Roberto de Chedderwrth Roberto capellano Hugone decano de Abbendon[a] Roberto de Waling[e]f[ordia] Engelrando de Pratell[is] Alano Basset Rogerio de Watam Iohanne de Eppelford