Charter Document - 02561133
| Charter Number: | 02561133 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1130 - 1135 |
| Date type: | Assigned |
| Resource Link(s): |
|
Charter:
Sciant presentes et futuri quod Oswardus iste pro cultura quadam que vocatur Wydham quam communem tenuerat cum quodam vicino suo Edwyno nomine et pro reliqua sua terra reddere solebat annuatim xii solidos et servitium quoddam faciebat quod dicitur radeniht set quoniam hec cultura predicta scilicet Widham multorum testimonio de dominio Radyng[ie] fuisse probatur ego Anscherius abbas Radyng[ensis] consilio nostrorum illam in dominium nostrum resumpsi Verumtamen quoniam iste predictus Oswardus culturam illam diu tenuerat ut illam omnino nobis quietam clamaret et sine calumpnia liberam dimitteret consilio fratrum nostrorum dimisimus ei de gabulo suo ii solidos et consuetudinem supradictam scilicet radeniht De reliquo terre quod ei remanet reddet annuatim x solidos Hec concessimus illi et heredi suo iure perpetuo Huius rei testes sunt Ricardus prior Rog[erius] decanus Godwinus camerarius Rannulphus decanus monachi laici Rad[ulfus] prepositus Robertus Cheret Rad[ulfus] Gray Bristeordus Paganus de Sunnyng Ricardus de Colleia Ailwardus de Colleia Gilbertus de Chanetwda