Charter Document - 02561102
| Charter Number: | 02561102 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1200 - 1213 |
| Date type: | Assigned |
| Resource Link(s): |
British Library - Egerton MS 3031 (f105r,p213) |
Charter:
Sciant presentes et futuri quod ego Willelmus Banastre filius Iohannis Banastre de Silhamstede dedi et concessi et hac presenti mea carta confirmavi deo et sancte Marie de Rading[ia] et beato Iacobo et Helie abbati Rading[ensi] eiusdemque loci conventui pro salute anime mee et omnium predecessorum meorum successorumque meorum decem acras prati de dominico meo in Widemeda de Silhamstede que iacet inter Middelham et Havekeresforde tenendas de me et heredibus meis in perpetuum reddendo inde annuatim mihi et heredibus meis duos solidos ad festum sancti Egidii pro omni servitio et exactione seculari Sciendum tamen quod pratum predictum solet singulis annis partiri per particas et distribui per sortes sed quocumque modo fiat partitio seu per sortes distributio quolibet anno remanebunt abbati Rading[ensi] et predicto conventui decem acre integre secundum quod per sortes eis evenerit Pro hac autem donatione et concessione et huius carte confirmatione dederunt mihi predictus abbas et conventus septem marcas argenti et unum pullum masculum trium annorum de harico suo Ne autem hec donatio et concessio et confirmatio in posterum possit in irritum revocari volui totum istud sigilli mei appositione communiri Hiis testibus []