Charter Document - 02561084
| Charter Number: | 02561084 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Lay |
| Charter Type(s): | Augmentation |
| Date: | 1193 - 1232 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus Punzun consensu et voluntate Willelmi Punzun heredis mei augmentavit annuum redditum de patrimonio meo in Westesilhamstede de iiii solidis ultra dimidiam marcam quam dominis meis abbati et conventui Rading singulis annis reddere debebam ad festum sancti Michaelis Ita quod in perpetuum ego et heredes mei quolibet anno in festo sancti Michaelis x solidos et octo denarios de predicto patrimonio meo dominis meis abbati et conventui Rading integre reddere debemus excepto redditu hereditatis uxoris mee Agnetis in Silhamst[ede] Pro incremento autem predictorum solidorum de patrimonio meo remiserunt mihi et uxori mee et heredibus meis centum solidos sterlingorum quos prefatis dominis meis abbati et conventui Rading in solidum reddere debebamus d Et si forte contigerit quod contra factum nostrum venire presumpserimus dabimus dominis nostris abbati et conventui Rading nomine pene centum solidos sterlingorum Et in huius rei testimonium huic scripto sigillum meum apposui T[estibus] []