Charter Document - 02561076
| Charter Number: | 02561076 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1154 - 1173 |
| Date type: | Assigned |
| Resource Link(s): |
British Library - Egerton MS 3031 (f39r,p81) |
Charter:
Sciant qui sunt et qui futuri sunt quod ego Heliasa de Englefeld et uxor mea et heres meus concessimus ecclesie Radingensi et monachis ibidem deo servientibus in feudo et hereditate partem suam de molendino de Russiford videlicet medietatem et cursum aque [que] ad molendinum vadit et insulas que sunt inter illum cursum et principalem cursum Canete et quicquid inter insulas habetur et plateam que est ante molendinum intra fossatum usque ad terram abbatis pro una marca argenti mihi et heredibus meis post me annuatim persolvenda his terminis ad festum sancti Michaelis xl denarios ad festum sancti Thome xl denarios in annuntiatione dominica xl denarios ad festum sancti Iohannis Baptiste xl denarios Verumtamen sciendum quod de xx solidis quos mihi et heredibus meis monachi per singulos annos reddere debebant secundum tenorem carte quam de compositione memorati molendini ante fecimus dimidiam marcam argenti in perpetuum relaxavi quia cum in gravem decidissem egritudinem et monachos memoratos de his que ad salutem anime mee pertinere credebam convenissem benigne satis et humane me audierunt Ego autem sive vixero sive mortuus ex hac infirmitate qua teneor fuero volo ut molendinum monachi pro censa supradicta in perpetuum teneant et hanc eis tenueram sigilli mei attestatione confirmo Ego autem Helias et heredes mei warantizabimus ista que predicta sunt monachis adversus omnes homines Preterea ego et heredes mei poterimus molere singulis ebdomadis absque theloneo iii summas de propria annona quandocumque allate fuerint post illam que super tam viam fuerit inventa nisi fuerit de propria annona abbatis et monachorum Et si forte predicta censa mihi vel heredibus meis nobis nolentibus ultra terminos premissos scienter retenta fuerit poterimus resaisire feudum nostrum donec nobis reddita fuerit et eandem ad molendinum singulis terminis recipiemus Poterunt etiam Helias et heredes eius molere singulis annis contra Natale domini in ipso molendino xxiiii summas de bracis absque teloneo His testibus Willelmo de la Mare Gilone de Pignei Widone filio Ascolfi Walterio clerico Girardo clerico Henrico de Pignei Gaufr[edo] Gisleberto et ex parte monachorum Petro clerico Luwino ianitore Reimundo Hamone et Hamone filio Willelmi Roberto stabulario