Charter Document - 02561075
| Charter Number: | 02561075 |
|---|---|
| Cartulary Title: | Reading Abbey Cartularies |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1154 - 1173 |
| Date type: | Assigned |
| Resource Link(s): |
British Library - Egerton MS 3031 (f39v,p82) |
Charter:
Sciant filii sancte ecclesie presentes et futuri istam conventionem factam fuisse inter ecclesiam Radingensem et Heliam de Englefeld de molendino de Rissieford assensu domini nostri Henrici regis Anglorum Scilicet quod abbas et monachi Radingenses remiserunt querelas suas et calumpnias quas moverant adversus Heliam propter dampna et gravamina que per ipsum molendinum inferebantur terris ecclesie sue Et hoc fecerunt tali tenore quod habebunt medietatem redituum et proficuo cum ipsius molendini in moltura et piscibus et in omnibus omnino rebus vel exitibus contra Heliam et heredes suos in perpetuum Et invenient abbas et monachi medietatem omnium que in operibus vel necessitatibus ipsius molendini fuerint expendenda Ministri autem et custodes ibi constituentur communi utriusque partis consilio et ipsi facient fidelitatem tam ecclesie Rading[ensi] quam Helie et heredibus suis Tam vero abbas et monachi Rading[enses] quam Helias et heredes sui habebunt quietantiam molture domini sui perpetualiter in ipso molendino Actum fuit hoc concedente Gervasio Painello domino ipsius Helye et sigilli sui impressione id confirmante Huius conventionis testes fuerunt Robertus de Luci Petrus de la Mara Hugo de la Mara Adam de Cathmera Petrus de Stanford et multi alii